Magpahiling nin Kusog nin Buot Dawa May Panggigipit

Basahon an Jeremias 38:1-13 para maaraman an manungod sa kusog nin buot na ipinahiling ni propeta Jeremias asin kan eunuko na si Ebed-melec.

Analisaron an konteksto. Paano nagpahiling si Jeremias nin kusog nin buot sa pagpahayag kan mensahe ni Jehova? (Jer. 27:12-14; 28:15-17; 37:6-10) Ano an nagin reaksiyon diyan kan mga tawo?—Jer. 37:15, 16.

Magsiyasat pa. Anong panggigipit an napaatubang ki Jeremias? (jr 26-27 ¶20-22) Mag-research manungod sa suanoy na mga kalot na istakan nin tubig. (it-1-TG 1072) Anong mga emosyon an tibaad namatian ni Jeremias mantang yaon siya sa malaboy na kalot na istakan nin tubig? Ano an mga posibleng ikinatakot ni Ebed-melec?—w12-TG 5/1 31 ¶2-3.

Aramon an mga leksiyon. Haputon an sadiri:

• ‘Ano an itinutukdo sa sako kan salaysay na ini manungod sa kun paano pinoprotektaran ni Jehova an saiyang maimbod na mga lingkod?’ (Sal. 97:10; Jer. 39:15-18)

• ‘Sa anong mga sitwasyon kaipuhan kong magpahiling nin kusog nin buot?’

• ‘Paano ako mas magkakaigwa nin kusog nin buot na gibuhon an tama dawa pag may panggigipit?’ (w11-TG 3/1 30)a