Igwa Daw nin Sinusuwelduhan na Lider an Mga Saksi ni Jehova?

Arog kan mga Kristiyano kan inot na siglo, mayo nin lider na tawo an Mga Saksi ni Jehova. An gabos na bawtisadong miyembro mga ordenadong ministro asin nakikikabtang sa gibuhon na paghuhulit asin pagtutukdo. An mga Saksi inorganisar sa mga kongregasyon na mga 100 an miyembro. An mga lalaki na may mahusay na espirituwalidad sa kada kongregasyon naglilingkod bilang “maygurang na lalaki,” o mga elder. (Tito 1:5) Daing bayad an saindang serbisyo.