Pagpatalubo sa Kualidad na Pagkamoot

1. Odok na ’pinapamibi ta,

Maarog an kualidad ni Jah.

Pagkamoot an pangenot dian;

Bunga kan espiritu nia ’yan.

Pagkamoot, kun bakong tunay,

Kakayahan dai nin saysay.

Danay na magin mamomoton

’Ngani na an Dios paogmahon.

2. Sa pagtokdo ta bakong igo

Na an gamit isip lang niato.

Sinda dapat niatong mamotan

Sa pagtaram asin gibo man.

Pagkamoot​—mapasensia ’yan;

Kaya an magabat na pasan.

Pagkamoot matinios man;

Nungka na masusudya iyan.