Paghihinguwang Maabot an Puso

Talinhaga 3:1

SUMARYO: Tabangan an mga nagdadangog na pahalagahan an saindang nanudan asin iaplikar iyan.

KUN PAANO GIGIBUHON:

• Tabangan an mga nagdadangog na siyasaton an saindang sadiri. Magbangon nin retorikal na mga hapot tanganing tabangan an mga nagdadangog na siyasaton an saindang mga sabuot.

• Dagkahon an mga nagdadangog na humiro huli sa marahay na motibo. Pahiruon sindang pag-isipan kun taano ta naggigibo sinda nin marahay. Tabangan sinda na an magin pinakamotibo sa paggibo nin tama iyo an pagkamuot ki Jehova, sa kapwa, asin sa mga katukduan sa Bibliya. Ipahiling kun taano ta madunong na sunudon an Bibliya; dai sinda pagsermonan. Sa katapusan kan presentasyon, imbes na pamation sinda nin pagkakonsiyensiya, hinguwahon na makamati sindang napakusog asin napahiro na gibuhon an pinakamakakaya.

• Darahon an atensiyon ki Jehova. Iduon kun paano mahihiling sa mga katukduan, prinsipyo, asin pagbuot sa Bibliya an mga kuwalidad nin Diyos asin an pagkamuot niya sa sato. Tabangan an mga nagdadangog na aramon an sabuot ni Jehova asin mawuton na mapaugma siya.