Bagong Video Para sa Pagpuon nin mga Pag-adal sa Bibliya
Dakul na an nakakahiling kan halipot na video na Ta’no ta Kaipuhan Mag-adal nin Bibliya? sa jw.org/bcl. Dinisenyo an video tanganing motibaron an mga interesado na akuon an iinaalok tang libreng pag-adal sa Bibliya. Para mahiling iyan, i-click an “Mag-request nin Pag-adal sa Bibliya” na nasa ibaba kan home page o i-scan an QR (quick response) code na nasa likod kan bago tang mga tract. Uya an nagkapirang paagi kun paano ta magagamit na marhay an video.
Sa pagdalaw liwat, sabihon: “Puwede kong ipahiling saindo an halipot na video kun paano nindo makukua an simbag sa mga hapot nindo sa Bibliya?” Kun mag-uyon siya, ipahiling an video sa mobile device mo o sa kompyuter niya.
Pag nakapasakamot nin bagong tract kun nagpapatotoo nin impormal o sa publiko, itukdo an QR code asin ipa-scan iyan sa kaulay ta gamit an mobile device niya. Sa dakul na lengguwahe, direkta kang ikokonektar kan QR code sa video na yaon sa satong Web site, kaya maipapahiling tulos an video gamit an mobile device mo.
Sabihon sa mga katrabaho, kaklase, kapamilya, asin iba pang kamidbid an manungod sa video, saka sabihon na ipapahiling mo iyan sa sainda. O kaya i-e-mail sa sainda an link kan video, asin sabihon na hilingon ninda iyan.
Sa paggamit kan bagong probisyon na ini, puwede kitang makapuon nin dakul pang pag-adal sa Bibliya, na tinatabangan sa espirituwal an mga ‘[may tamang inklinasyon] sa buhay na dai nin katapusan.’—Gui. 13:48.