Abuton an Puso

Puso an nagpapahiro sa saro na sunudon an Diyos. (Tal 3:1) Kaya pag nagtutukdo kita, dapat pagmaigutan ta na abuton an puso kan kaulay ta. Paano?

Dai sana basta itukdo sa Bible study an mga katotoohan sa Bibliya, kundi tabangan siya na mahiling an koneksiyon kaiyan sa saiyang buhay asin sa relasyon niya ki Jehova. Tabangan siyang mahiling an pagkamuot, karahayan, saka katanusan nin Diyos sa mga pamantayan sa Bibliya. Mataktika siyang haputon para matabangan ta siyang maaraman kun ano talaga an nasa isip niya sa mga nanunudan niya. Tabangan ta siyang maisip-isip kun paano mismo siya makikinabang pag itatanos niya an saiyang salang pagtubod o gibo. Pag nahihiling mong tunay nang namumutan kan saimong tinutukduan si Jehova, mas lalo kang magigin maugma.

HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—PAUSWAGON AN SAIMONG KAKAYAHAN SA PAGTUTUKDO—ABUTON AN PUSO KAN TINUTUKDUAN, DANGAN SIMBAGON AN MINASUNOD NA MGA HAPOT:

• 

  Taano ta hinapot ni Neeta si Jade: “Napag-isipan mo su napag-ulayan ta kan nakaaging Lunes?”

• 

  Paano tinabangan ni Neeta si Jade na maintindihan na an mga pamantayan sa Bibliya patunay kan pagkamuot sa saiya ni Jehova?

• 

  Paano tinabangan ni Neeta si Jade na maisip-isip kun paano niya maipapahiling an pagkamuot sa Diyos?