Mga Problema sa Kapalibutan—Kun Ano an Gigibuhon kan Kahadian nin Diyos

“An nakakaalarmang kamugtakan nin klima nagdadara nin dakul na problema sa mga tawo, sa mga siyudad, asin sa gabos na nabubuhay na linalang sa satong planeta. Huli sa pagbabago nin klima, nagigin mas makukusog an mga bagyo na nandedestroso sa mga kaharungan asin kabuhayan kan mga tawo sa bilog na kinaban. An dagat padagos na nag-iinit, na posibleng magin dahilan na magkagaradan an dakul na species diyan.”—Inger Andersen, under-secretary-general kan United Nations asin executive director kan UN Environment Programme, Hulyo 25, 2023.

Magkakasararo daw an mga gobyerno para solusyunan an mga isyung ini sa bilog na kinaban? Makakaya daw kaya ninda na makatao nin permanenteng solusyon?

Sinasabi kan Bibliya an sarong gobyerno na talagang kayang makatao nin solusyon sa gabos na problema sa kapalibutan kan planetang daga. Sinasabi kaiyan na “an Diyos nin langit maestablisar nin sarong kahadian,” sarong gobyerno na makakaresolber sa mga problema kan kinaban. (Daniel 2:44) Sa pamamahala kan gobyernong iyan, an mga tawo ‘dai mandadanyar’ sa kapwa ninda o dai na “mangraraot” kan daga.—Isaias 11:9.