Nota sa Ibaba

a An mga komentador nagsabi na an nasyonalismo garo man sana sarong relihiyon. Kaya, an mga tawong nasyonalistiko sa katotoohan nagsasamba sa kabtang kan mabangis na hayop na irinirepresentar kan nasyon na saindang iniistaran. Manongod sa nasyonalismo sa Estados Unidos, mababasa niato: “An nasyonalismo, na ibinibilang na relihiyon, may dakulang pagkakapareho sa ibang darakulang relihiyosong sistema kan nakaagi . . . Sa sadiri niang nasyonal na dios an modernong relihiyosong nasyonalista nakakamate nin pagsarig. Namamatean nia an pangangaipo sa Saiyang makapangyarihan na tabang. Sa Saiya minimidbid nia an burabod kan saiyang pagkasangkap asin kaogmahan. Sa Saiya, sa estriktong relihiyosong sentido, sia nagpapasakop. . . . An nasyon pinaghohonang daing sagkod, asin an kagadanan kan saiyang maimbod na mga aki nakadudugang sana sa saiyang daing kasagkodan na kabantogan asin kamurawayan.”​—Carlton J. F. Hayes, arog kan pagkakotar sa pahina 359 kan librong What Americans Believe and How They Worship, ni J. Paul Williams.