Nota sa Ibaba

a Sa ekspresyon na “an kapag-arakian na ini,” an porma kan demonstratibong pronombre na houʹtos katimbang nanggad kan termino sa Ingles na “this” (sa Bicol, “ini”). Iyan puedeng nanonongod sa sarong bagay na presente o kaatubang kan nagtataram. Alagad puede man iyan na magkaigwa nin iba pang kahulogan. An Exegetical Dictionary of the New Testament (1991) nagsasabi: “An termino [houʹtos] nagtotokdo nin yaon nang katunayan. Sa siring an [aion houʹtos] iyo an ‘presenteng nag-eeksister na kinaban’ . . . asin an [geneaʹ haute] iyo an ‘kapag-arakian na nabubuhay ngonyan’ (halimbawa, Mat 12:41f., 45; 24:34).” Si Dr. George B. Winer nagsurat: “An pronombre [houʹtos] kun beses nanonongod, bakong sa pinakaharaning nombre, kundi sa nombre na mas harayo, na, bilang an pangenot na tema, iyo an pinakaharani sa isip, an pinakapresente sa kaisipan kan kagsurat.”​—A Grammar of the Idiom of the New Testament, ika-7 edisyon, 1897.