Nota sa Ibaba

e Midbid si Jerjes I sa pagigin pabarobago, aranggoton, asin madahas. An Griegong historyador na si Herodotus nagrekord nin nagkapirang halimbawa manongod sa pakikigiera ni Jerjes sa Grecia. Ipinagboot kan hade na magtogdok nin tulay pabalyo sa strait nin Hellespont paagi sa pinagtaraedtaed na barko. Kan maraot an tulay huli sa bagyo, ipinagboot ni Jerjes na pugotan an mga inhenyero asin “padusahan” pa ngani kan saiyang mga tawohan an Hellespont paagi sa paglatigo sa tubig mantang makosog na binabasa an sarong mapang-insultong proklamasyon. Sa iyo man sanang pakikigiera, kan makimaherak an sarong mayaman na lalaki na dai ipag-iba sa hukbo an aki nia, ipinabanga ni Jerjes an hawak kan aki, asin ginibong display bilang patanid.