Nota sa Ibaba

a Tinawan kita ni Jehova nin magayunon na paglaom para sa maabot na panahon. An paglaom na iyan nagtatao nin liwanag sa satong buhay asin nakakatabang sa sato na dai magpokus sa mga pagbalo na inaagihan ta sa ngunyan. Pinapakusog kita kaiyan na magdanay na maimbod sa ibong kan ano man na napapaatubang sa sato na mga kadipisilan. Asin mapoprotektaran kita kaiyan sa mga ideya na puwedeng makaraot sa satong kaisipan. Arog kan maaaraman ta sa artikulong ini, gabos iyan marahay na dahilan para pagdanayon tang makusog an satong paglaom bilang Kristiyano.