• Paano Nagkaigwa nin Buhay?
    Mabuhay nin Maugma Sagkod Pa Man!—Interactive na Pag-adal sa Bibliya

    • 3. Paano naiiba an mga tawo sa mga hayop?

      Pagkatapos na gibuhon ni Jehova an Daga, linalang niya an buhay diyan. Inot, naglalang siya nin mga pananom asin mga hayop. Dangan, “linalang nin Diyos an tawo uyon sa saiyang ladawan.” (Basahon an Genesis 1:27.) Paano naiiba an mga tawo sa mga hayop? Dahil linalang kita uyon sa ladawan nin Diyos, may kakayahan kitang ipahiling an saiyang mga kuwalidad, arog kan pagkamuot asin hustisya. Linalang niya man kita na may kakayahan na makanuod nin mga lengguwahe asin ikaugma an magagayon na bagay saka musika. Saka bakong arog nin mga hayop, may kakayahan kitang ipahiling an satong pagkamuot saka paggalang sa satong Kaglalang.

  • Paano Nagkaigwa nin Buhay?
    Mabuhay nin Maugma Sagkod Pa Man!—Interactive na Pag-adal sa Bibliya

    • 5. May masarig na basehan para maniwala na totoo an pagkasaysay kan Bibliya sa paglalang

      Sa Genesis kapitulo 1, isinaysay kan Bibliya an kapinunan kan daga asin kan buhay diyan. Totoo daw iyan, o uruistorya sana? I-play an VIDEO, dangan pag-ulayan an mga hapot na ini:

      VIDEO: Linalang Daw an Uniberso?—Excerpt (3:51)

      Collage: Mga eksena sa video na ‘Linalang Daw an Uniberso?—Excerpt.’ 1. Ilustrasyon kan anom na aldaw nin paglalang. 2. An daga pagkatapos kan anom na aldaw nin paglalang. Mahihiling diyan an saldang, alang na daga, tubig, pananom, mga gamgam, mga hayop sa daga, asin mga tawo.

      • Itinutukdo daw kan Bibliya na an Daga saka an buhay diyan linalang sa laog nin anom na aldaw na may tig-24 oras?

      • Sa hiling mo, an pagkasaysay daw kan Bibliya sa paglalang may basehan asin kapani-paniwala? Taano ta nasabi mo iyan?

      Basahon an Genesis 1:1, dangan pag-ulayan an hapot na ini:

      • Sinasabi kan mga siyentista na an uniberso may kapinunan. Sa hiling mo, kauyon daw iyan kan nabasa mo pa sana sa Bibliya?

      May mga nag-iisip na tibaad linalang nin Diyos an buhay paagi sa ebolusyon. Basahon an Genesis 1:21, 25, 27, dangan pag-ulayan an mga hapot na ini:

      • Itinutukdo daw kan Bibliya na ebolusyon an ginamit nin Diyos para magkaigwa nin sira, iba pang mga hayop, asin mga tawo? O linalang niya an gabos na manlain-lain na “klase” nin buhay?b