• Nakaya Ninda an mga Tonok sa Saindang Laman
    An Torrengbantayan—2002 | Pebrero 15

    • 11. Ano an hiningako ni Ziba manongod ki Mefiboset, alagad paano niato naaaraman na putik an paghingako na ini? (Helingon an nota sa ibaba.)

      11 Kan huri, kinaipuhan ni Mefiboset na tioson an saro pang tonok sa saiyang laman. Pinakaraot sia kan saiyang surugoon na si Ziba sa atubangan ni Hadeng David, na kaidto duminulag sa Jerusalem huli sa pagrebelde ni Absalon, na aki ni David. Si Ziba nagsabi na si Mefiboset may katraydoran na nagpawalat sa Jerusalem sa paglaom na mapasaiya an pagkahade.a Naniwala si David sa pakaraot ni Ziba asin itinao sa putikon na iyan an gabos na propiedad ni Mefiboset!​—2 Samuel 16:1-4.

  • Nakaya Ninda an mga Tonok sa Saindang Laman
    An Torrengbantayan—2002 | Pebrero 15

    • a An siring na klase nin ambisyosong pakana harayo sa pagkatawo nin sarong mapag-apresyar, mapakumbabang tawo na arog ni Mefiboset. Daing duda na aram niang marhay an rekord nin pagigin fiel kan saiyang ama, si Jonatan. Minsan ngani aki ni Hadeng Saul, mapakumbabang minidbid ni Jonatan si David bilang an pinili ni Jehova na magin hade sa Israel. (1 Samuel 20:12-17) Bilang matatakton sa Dios na magurang ni Mefiboset asin sarong maimbod na katood ni David, dai totokdoan ni Jonatan an saiyang hoben pang aki na mawoton an sa hadeng kapangyarihan.