Sinasabi kan Bibliya an realidad kan buhay nin tawo, na iyan “halipot . . . asin pano nin kasakitan.” (Job 14:1) Iyan daw talaga an katuyuhan nin Diyos kaya linalang niya kita? Kun bako, anong buhay an gusto niya para sa sato? Magkakatotoo pa daw iyan? Pag-isipan an nakakapakusog na simbag kan Bibliya.

1. Anong buhay an gusto ni Jehova para sa sato?

Gusto ni Jehova an pinakamarahay na buhay para sa sato. Kan linalang niya an inot na tawo na si Adan asin Eva, pinaistar niya sinda sa magayunon na paraiso, an hardin nin Eden. “Binendisyunan man sinda kan Diyos asin sinabihan: ‘Magkaigwa kamo nin mga aki asin magpakadakul kamo, panua nindo an daga asin sakupon iyan.’ ” (Genesis 1:28) Gusto ni Jehova na magkaigwa sinda nin mga aki, gibuhon nindang paraiso an bilog na daga, asin atamanon ninda an mga hayop. Gusto niya na magkaigwa nin perpektong salud asin mabuhay nin daing katapusan an gabos na tawo.

Dawa ngani bakong arog kaiyan an buhay ta sa ngunyan,a iyo pa man giraray iyan an buhay na gusto nin Diyos para sa sato. (Isaias 46:10, 11) Gusto pa man giraray ni Jehova na mabuhay nin daing katapusan an masinunod na mga tawo sa perpektong mga kamugtakan.—Basahon an Kapahayagan 21:3, 4.

2. Paano kita magkakaigwa nin kapaki-pakinabang na buhay ngunyan?

Linalang kita ni Jehova na nangangaipo nin espirituwal na mga bagay, o na may pagmawot na mamidbid asin sambahon siya. (Basahon an Mateo 5:3-6.) Gusto niya na magin harani kita sa saiya, ‘na maglakaw kita sa gabos niyang dalan, na kamutan ta siya,’ asin na paglingkudan ta siya ‘nin bilog na puso.’ (Deuteronomio 10:12; Salmo 25:14) Kun gigibuhon ta iyan, magigin tunay kitang maugma dawa may mga problema. Kun sasambahon ta si Jehova, magkakaigwa nin tunay na kahulugan an buhay ta huling namumuhay kita uyon sa kabutan niya.

3. Magayunon an katuyuhan ni Jehova para sa mga tawo

I-play an VIDEO, dangan pag-ulayan an hapot na ini:

VIDEO: Taano ta Linalang nin Diyos an Daga?—Excerpt (1:41)

• Taano ta linalang nin Diyos an satong magayon na planeta?

Basahon an Eclesiastes 3:11, dangan pag-ulayan an hapot na ini:

• Ano an itinutukdo kaiyan sa saimo manungod ki Jehova?

4. Dai nagbago an katuyuhan ni Jehova

Basahon an Salmo 37:11, 29 asin Isaias 55:11, dangan pag-ulayan an hapot na ini:

• Taano ta nasabi ta na dai man nagbago an katuyuhan ni Jehova?

5. An pagsamba ki Jehova nagtatao nin tunay na kahulugan sa buhay ta

VIDEO: Naaraman Ko an Katuyuhan nin Buhay (5:03)

• Paano nakinabang si Terumi kan maaraman niya an katuyuhan nin buhay?

Basahon an Eclesiastes 12:13, dangan pag-ulayan an hapot na ini:

• Sa gabos na ginibo ni Jehova para sa sato, paano ta maipapahiling na nagpapasalamat kita sa saiya?

SUMARYO

Gusto ni Jehova na mabuhay kita nin maugma sagkod pa man sa perpektong mga kamugtakan digdi sa daga. Kun sasambahon ta siya nin bilog na puso, magkakaigwa nin tunay na kahulugan an satuyang buhay—dawa ngunyan pa sana.

Rebyu

• Ano an orihinal na katuyuhan ni Jehova para ki Adan asin Eva?

• Taano ta nasabi ta na dai man nagbago an katuyuhan nin Diyos para sa mga tawo?

• Paano magkakaigwa nin tunay na kahulugan an saimong buhay?

HILINGON MAN

Pag-isipan an mga patunay na totoo asin bako sanang uruistorya an hardin nin Eden.

“An Hardin nin Eden—Eroestorya Sana o Totoo?” (An Torrengbantayan, Enero-Marso 2011)

Aramon kun taano ta makakasigurado kita na magdadanay an daga sagkod pa man.

“Magugunaw Daw an Daga?” (Artikulo sa jw.org/bcl)

Aramon kun ano an sinasabi kan Bibliya manungod sa kun paano magkakaigwa nin kahulugan an saimong buhay.

“Taano ta Nabubuhay Kita?” (Artikulo sa jw.org/bcl)

Hinuhuna nin sarong lalaki na mayo nang kulang sa buhay niya. Aramon kun paano niya naaraman an tunay na kahulugan nin buhay.

May Direksiyon Na an Buhay Ko (3:55)

2. Sairisay an kaiba ni Jesus na mamamahala?

Dai solong mamamahala si Jesus. May mga tawo hali sa ‘lambang tribo asin lengguwahe asin banwaan saka nasyon na mamamahala sa daga bilang mga hadi.’ (Kapahayagan 5:9, 10) Pira an mamamahala kaiba ni Cristo? Puon kaidtong magdigdi si Jesus sa daga, milyon-milyon na an nagin mga parasunod niya. Pero 144,000 sana an maduman sa langit para mamahala kaiba ni Jesus. (Basahon an Kapahayagan 14:1-4.) An gabos na iba pang Kristiyano sa daga magigin siyudadano kan Kahadian.—Salmo 37:29.

Namamahala na an Kahadian nin Diyos. Dai na mahahaloy, magibo iyan nin dakulang mga pagbabago sa daga. Aramon ta an pira sa marahay na mga bagay na lalauman ta sa pamamahala kan Kahadian.

1. Paano madara nin katuninungan asin hustisya sa daga an Kahadian nin Diyos?

Paparaon ni Jesus, an Hadi kan Kahadian nin Diyos, an maraot na mga tawo asin mga gobyerno sa giyera nin Armagedon. (Kapahayagan 16:14, 16) Sa panahon na iyan, lubos na mauutob an panugang ini kan Bibliya: “Dikit na sanang panahon, asin an mga maraot mawawara na.” (Salmo 37:10) Paagi sa Kahadian, sisiguraduhon ni Jesus na magkakaigwa nin katuninungan asin hustisya sa bilog na daga.—Basahon an Isaias 11:4.

2. Ano an magigin buhay ta pag nangyari na an kabutan nin Diyos sa daga?

Sa pamamahala kan Kahadian nin Diyos, “magigin pagsadiri kan mga matanos an daga, asin maistar sinda diyan nin daing sagkod.” (Salmo 37:29) Isipa na sana na gabos na nag-iistar sa daga matanos asin namumutan si Jehova saka an saindang kapwa! Mayo nang magkakahilang, asin an gabos mabubuhay nin daing katapusan.

3. Ano an gigibuhon kan Kahadian nin Diyos pag hinali na an mga maraot?

Pag hinali na an mga maraot, mamamahala si Jesus bilang Hadi sa laog nin 1,000 taon. Sa panahon na iyan, tatabangan ni Jesus asin kan 144,000 na kairiba niyang mga tagapamahala na magin perpekto an gabos na tawo sa daga. Sa pagtatapos kan 1,000 taon, magigin magayunon na paraiso an bilog na daga, asin mauugma an gabos na tawo huli sa pagsunod sa mga pagbuot ni Jehova. Dangan ibabalik ni Jesus an pamamahala sa saiyang Ama, si Jehova. ‘Papakangbanalon an pangaran’ ni Jehova urog kisa kasuarin man. (Mateo 6:9, 10) Mapapatunayan nanggad na si Jehova sarong marahayon na Tagapamahala na nagmamalasakit sa mga nasasakupan niya. Dangan paparaon ni Jehova si Satanas, an mga demonyo, asin an siisay man na marebelde sa Saiyang pamamahala. (Kapahayagan 20:7-10) An marahayon na mga bagay na ipapaabot kan Kahadian nin Diyos magdadanay sagkod pa man.

ARAMON PA

4. Tatapuson kan Kahadian nin Diyos an mga gobyerno nin tawo

“An tawo nananakop sa tawo sa saiyang ikakapahamak.” (Eclesiastes 8:9) Paagi sa saiyang Kahadian, hahalion ni Jehova an ano man na danyos na dara nin inhustisya.

Basahon an Daniel 2:44 asin 2 Tesalonica 1:6-8, dangan pag-ulayan an mga hapot na ini:

• Ano an gigibuhon ni Jehova asin kan saiyang Aki na si Jesus sa mga gobyerno nin tawo asin sa mga nagsusuportar diyan?

• Sa mga nanudan mo manungod ki Jehova asin ki Jesus, taano ta makakasigurado ka na may hustisya asin makatanusan an mga gigibuhon ninda?

5. Si Jesus an pinakamarahay na Hadi

Bilang Hadi kan Kahadian nin Diyos, kadakul nin gigibuhon si Jesus para tabangan an mga nasasakupan niya digdi sa daga. I-play an VIDEO para mahiling kun paano pinatunayan ni Jesus na gusto niya talagang tabangan an mga tawo asin na igwa siya nin kapangyarihan na hali sa Diyos para gibuhon iyan.

VIDEO: Ipinahiling ni Jesus Kun Ano an Gigibuhon kan Kahadian (1:13)

Kan si Jesus yaon digdi sa daga, ipinahiling niya kun ano an gigibuhon kan Kahadian pag-abot nin panahon. Arin sa mga bendisyon na nakalista digdi an gustong-gusto mo nang mangyari? Basahon an mga teksto manungod sa mga bendisyon na iyan.

6. Papangyarihon kan Kahadian nin Diyos an sarong magayunon na puturo

VIDEO: Patanaw sa Sarong Marahayon na Puturo (4:38)

Basahon an Salmo 145:16, dangan pag-ulayan an hapot na ini:

• Ano an namamati mo sa panuga ni Jehova na ‘papaniguan niya an mawot kan lambang bagay na may buhay’?

SUMARYO

Uutubon kan Kahadian nin Diyos an katuyuhan ni Jehova. Gigibuhon kaiyan na paraiso an bilog na daga na diyan an matanos na mga tawo magsasamba ki Jehova nin daing katapusan.

Rebyu

• Paano papakangbanalon kan Kahadian nin Diyos an pangaran ni Jehova?

• Taano ta makakapagtiwala kita na uutubon kan Kahadian nin Diyos an mga panuga sa Bibliya?

• Sa mga gigibuhon kan Kahadian, ano an gustong-gusto mong mahiling na mangyari?

HILINGON MAN

Aramon kun ano an buot sabihon kan Armagedon.

“Ano an Ralaban nin Armagedon?” (Artikulo sa jw.org/bcl)

Aramon an mga mangyayari durante kan inaapod ni Jesus na “dakulang kasakitan.”—Mateo 24:21.

“Ano an Dakulang Kasakitan?” (Artikulo sa jw.org/bcl)

Hilingon kun paano iribanan na makakapaghurop-hurop an mga pamilya sa mga bendisyon na itatao kan Kahadian sa maabot na panahon.

Isipon na Nasa Paraiso Ka Na (1:50)

Sa eksperyensiya na “Dakol na Hapot an Nakapurisaw sa Sako,” aramon kun paano nakua kan sarong dating rebelde sa gobyerno an solusyon na hinahanap niya.

“Binago kan Biblia an Saindang Buhay” (An Torrengbantayan, Enero-Marso 2012)