Kapaki-pakinabang na marhay an pag-adal nin Bibliya. Pero bako iyan pirming madali. Kun minsan, posibleng maisip mo na tibaad dai mo na maipapadagos an pag-adal nin Bibliya. Pero taano ta sulit nanggad kun hihinguwahon mong magpadagos? Ano an makakatabang saimo na magpadagos dawa may mga kadipisilan?

1. Taano ta mahalaga na mag-adal nin Bibliya?

“An tataramon nin Diyos buhay asin igwa nin puwersa.” (Hebreo 4:12) Mahalaga an Bibliya ta diyan mo maaaraman an kaisipan nin Diyos saka an namamati niya manungod sa saimo. Tatabangan ka kaiyan na magkaigwa bako lang nin kaaraman kundi nin tunay na kadunungan saka paglaom. Urog sa gabos, tatabangan ka kan Bibliya na magin amigo ni Jehova. Sa pag-adal mo nin Bibliya, tinutugutan mo an puwersa kaiyan na magkaigwa nin positibong epekto sa buhay mo.

2. Taano ta importanteng mahiling mo an kahalagahan kan mga katotoohan sa Bibliya?

An mga katotoohan sa Bibliya siring sa mahalagang marhay na mga kayamanan. Kaya sinasabi sa sato kan Bibliya na “bakalon . . . an katotoohan asin dai . . . iyan nuarin man ipabakal.” (Talinhaga 23:23) Kun padagos tang isasaisip an kahalagahan kan mga katotoohan sa Bibliya, gigibuhon ta an gabos para padagos na mag-adal—dawa pa mag-agi kita nin mga problema.—Basahon an Talinhaga 2:4, 5.

3. Paano ka matatabangan ni Jehova para makapagpadagos sa pag-adal?

Bilang an saimong makakamhan sa gabos na Kaglalang saka Amigo, gusto ni Jehova na lalo mo pa siyang mabisto. Kaya ka niyang tawan “kan pagmawot saka kan kakayahan na gumibo.” (Basahon an Filipos 2:13.) Kaya kun may mga panahon na dai ka ginaganahan sa pag-adal o nasasakitan kang isabuhay an mga nanunudan mo, matatabangan ka niya. Kun kaipuhan mo nin dagdag na kusog para makayanan an mga problema o mga pagkontra, kaya niyang itao iyan saimo. Sa pamibi mo, pirming hagadon ki Jehova na tabangan kang magpadagos sa pag-adal nin Bibliya.—1 Tesalonica 5:17.

ARAMON PA

4. Magin priyoridad an pag-adal nin Bibliya

Kun minsan sibot-sibot kita na garo baga mayo na kitang oras para mag-adal nin Bibliya. Ano an makakatabang? Basahon an Filipos 1:10, dangan pag-ulayan an mga hapot na ini:

• Ano sa hiling mo an pira sa “mas importanteng mga bagay” sa buhay?

• Ano an magigibo mo para magin priyoridad mo an pag-adal nin Bibliya?

1. Kun iinuton mong ilaag an baybay sa balde dangan isusunod mo an mga gapo, dai na magkakaigo an ibang gapo

2. Kun iinuton mo an mga gapo, mailalaag mo an haros gabos na baybay. Kun iinuton mo man sa saimong buhay “an mas importanteng mga bagay,” matatapos mo an mga iyan saka may oras ka pa para sa ibang mga bagay

Paagi sa pag-adal nin Bibliya, napapaniguan ta an satong espirituwal na pangangaipo—an pangangaipo na mamidbid asin magsamba sa Diyos. Basahon an Mateo 5:3, dangan pag-ulayan an hapot na ini:

• Paano kita nakikinabang pag ginigibo tang priyoridad an pag-adal nin Bibliya?

5. Dai magpundo dawa may mga pagkontra

VIDEO: Binendisyunan an Padagos na Paghihinguwa (5:22)

• Sa video, ano an reaksiyon kan mga amigo saka kapamilya ni Francesco kan sabihon niya sainda an mga nanunudan niya?

• Dahil dai siya nagpundo sa pag-adal, anong mga bendisyon an nakamtan niya?

Basahon an 2 Timoteo 2:24, 25, dangan pag-ulayan an mga hapot na ini:

• Ano an reaksiyon kan mga kapamilya saka amigo mo sa mga nanunudan mo?

• Base sa mga bersikulong iyan, ano an dapat na magin reaksiyon mo kun may mga dai nauugma sa pag-adal mo nin Bibliya? Taano man?

6. Magtiwala na tatabangan ka ni Jehova

VIDEO: Tinatabangan Kita ni Jehova na Magbago (3:56)

• Sa video, anong mga pagbabago an ginibo ni Jim para mapaugma si Jehova?

• Ano an hinahangaan mo sa halimbawa niya?

Basahon an Hebreo 11:6, dangan pag-ulayan an mga hapot na ini:

• Ano an gigibuhon ni Jehova para sa mga “udok na naghahanap sa saiya,” an buot sabihon, idtong mga naghihinguwang mamidbid asin mapaugma siya?

• Base sa teksto, ano an namamatian ni Jehova pag nahihiling niya an mga paghihinguwa mo na mag-adal nin Bibliya?

SUMARYO

Dawa ngani bako pirming madali an pag-adal nin Bibliya, matatabangan ka kaiyan na magin maugma ngunyan asin sa maabot. Bebendisyunan ka ni Jehova kun padagos kang magtitiwala sa saiya.

Rebyu

• Taano ta mahalagang marhay sa saimo an mga katotoohan sa Bibliya?

• Paano mo masisiyerto “kun ano an mas importanteng mga bagay”?

• Taano ta dapat mong hagadon ki Jehova na tabangan kang padagos na mag-adal nin Bibliya?

HILINGON MAN

Pag-isipan an apat na paagi na nakatabang sa dakul na magamit sa madunong na paagi an saindang oras.

“Matalinong Paggamit ng Panahon—Paano?” (Gumising!, Pebrero 2014)

Hilingon kun paano tinabangan ni Jehova an sarong babayi na an agom dai nasasabutan kaidto an mga paghihinguwa niya na mapaugma an Diyos.

Pinapakusog Kita ni Jehova Para Makaya Ta an Satong Pasan (5:05)

Aramon kun paano nakinabang an sarong lalaki huli sa padagos na paghihinguwa kan saiyang agom.

Inimbestigaran Ko an Katotoohan (6:30)

Inaakusaran kun minsan an mga Saksi ni Jehova na rinaraot ninda an pag-iribanan sa laog kan pamilya. Pero totoo daw iyan?

“Rinaraot Daw o Pinapakusog kan mga Saksi ni Jehova an Pag-iribanan sa Laog kan Pamilya?” (Artikulo sa jw.org/bcl)

Gabos kita kaipuhan na gumibo nin mga desisyon. Dakul sa mga desisyon na iyan an puwedeng magkaigwa nin dakulang epekto sa sato asin sa satong relasyon ki Jehova. Halimbawa, tibaad kaipuhan tang magdesisyon kun sain kita maistar, kun ano an pipilion tang trabaho, o kun baga maagom o dai. Pag nakakagibo kita nin marahay na mga desisyon, nagigin maugma kita asin napapaugma ta man si Jehova.

1. Paano makakatabang an Bibliya para makagibo ka nin marahay na mga desisyon?

Bago magdesisyon, mamibi ki Jehova na tabangan ka asin magsiyasat sa Bibliya para maaraman kun ano an paghiling niya sa sarong bagay. (Basahon an Talinhaga 2:3-6.) May mga bagay na diyan nagtao si Jehova nin malinaw na pagbuot. An pagsunod sa mga pagbuot na iyan an pinakamarahay na desisyon na magigibo mo.

Pero paano kun mayong malinaw na pagbuot an Bibliya manungod sa sarong bagay na kaipuhan mong desisyunan? Gigiyahan ka pa man giraray ni Jehova “sa dalan na dapat mong lakawan.” (Isaias 48:17) Paano? Tibaad may mga prinsipyo sa Bibliya na puwedeng makatabang sa saimo. An mga prinsipyo sa Bibliya mga panginot na katotoohan na nagpapahiling kan kaisipan asin pagmati nin Diyos. Sa parati, naaaraman ta an paghiling nin Diyos sa sarong bagay pag binasa ta an sarong pagkasaysay sa Bibliya. Pag nasasabutan ta an pagmati ni Jehova, makakagibo kita nin mga desisyon na makakapaugma sa saiya.

2. Anong mga bagay an dapat tang pag-isipan bago gumibo nin desisyon?

Sinasabi kan Bibliya: “An saro na alisto an isip pinag-iisipan an lambang lakad.” (Talinhaga 14:15) Buot sabihon, bago kita magdesisyon, dapat tang pag-isipan nguna kun ano an satong mga pagpipilian o kun ano an mga puwede tang gibuhon. Mantang pinag-iisipan an kada saro kaiyan, haputon an saimong sadiri: ‘Anong mga prinsipyo sa Bibliya an aplikado digdi? Arin sa mga pagpipilian an makakatao sako nin tuninong na isip? Paano puwedeng makaapekto sa iba an desisyon ko? Urog sa gabos, makakapaugma daw iyan ki Jehova?’—Deuteronomio 32:29.

May deretso si Jehova na magbugtak nin pamantayan sa kun ano an marahay asin kun ano an maraot. Pag hinihinguwa tang masabutan an mga pagbuot asin mga prinsipyo ni Jehova saka kun determinado kitang sunudon iyan, sinasanay ta an satong konsiyensiya. An konsiyensiya iyo an satong natural na pakamati kun baga tama o sala an sarong bagay. (Roma 2:14, 15) An konsiyensiya na nasanay nin tama makakatabang sa sato na makagibo nin marahay na mga desisyon.

ARAMON PA

3. Magpagiya sa Bibliya

VIDEO: Magpagiya sa mga Prinsipyo kan Bibliya (5:54)

• Ano an libertad na magdesisyon?

• Taano ta tinawan kita ni Jehova nin kakayahan na magdesisyon para sa satong sadiri?

• Ano an mga itinao niya sa sato para matabangan kitang makagibo nin pinakamarahay na mga desisyon?

Para mahiling an sarong halimbawa kan prinsipyo sa Bibliya, basahon an Efeso 5:15, 16. Dangan pag-ulayan kun paano mo ‘magagamit sa pinakamarahay an saimong panahon’ para . . .

• mabasa nin regular an Bibliya.

• magin mas marahay na agom, magurang, o aki.

• makaatender sa mga pagtiripon kan kongregasyon.

4. Sanayon an saimong konsiyensiya para makagibo nin marahay na mga desisyon

VIDEO: ‘Pagdanayon an Marahay na Konsiyensiya’ (5:13)

• Sa video, ano an mga ginibo kan sister para sanayon an konsiyensiya niya asin makagibo nin desisyon na makakapaugma ki Jehova?

Taano ta dai ta dapat hagadon sa iba na sinda an magdesisyon para sa sato? Basahon an Hebreo 5:14, dangan pag-ulayan an mga hapot na ini:

• Dawa ngani garo baga mas madali na iba na lang an magdesisyon para sa sato, ano an dapat na manudan ta mismo?

• Ano an igwa kita na makakatabang sa sato para masanay ta an satong konsiyensiya asin makagibo nin marahay na mga desisyon?

5. Irespeto an konsiyensiya kan iba

An desisyon ta tibaad iba sa desisyon kan iba. Paano ta maipapahiling na rinerespeto ta an konsiyensiya kan iba? Pag-isipan an duwang sitwasyon:

Sitwasyon 1: Sarong sister na mahilig mag-makeup an nagbalyo sa sarong kongregasyon na dakul na sister an negatibo kun manungod sa paggamit nin makeup.

Basahon an Roma 15:1 asin 1 Corinto 10:23, 24, dangan pag-ulayan an mga hapot na ini:

• Base sa mga tekstong iyan, ano an tibaad magin desisyon kan sister? Ano an gigibuhon mo kun may kaiba ka na habong gibuhon an sarong bagay dahil dai iyan kaya kan konsiyensiya niya pero okey lang iyan sa konsiyensiya mo?

Sitwasyon 2: Aram nin sarong brother na dai ipinagbabawal kan Bibliya an tama sanang pag-inom nin arak, pero nagdesisyon siya na dai mag-inom nin ano man na arak. Naimbitaran siya sa sarong gathering na diyan nahiling niya na may mga brother na nag-iinom nin arak.

Basahon an Eclesiastes 7:16 asin Roma 14:1, 10, dangan pag-ulayan an mga hapot na ini:

• Base sa mga tekstong iyan, ano an tibaad magin desisyon kan brother? Ano an gigibuhon mo pag may nahiling kang naggigibo nin sarong bagay dahil okey lang iyan sa konsiyensiya niya pero dai iyan kaya kan konsiyensiya mo?

Ano an mga dapat gibuhon para makagibo nin marahay na mga desisyon?

1. Mamibi ki Jehova na tabangan kang makapagdesisyon.—Santiago 1:5.

2. Mag-research sa Bibliya saka sa mga babasahon na basado sa Bibliya para maaraman an mga prinsipyo na makakatabang. Puwede ka man maghapot sa eksperyensiyadong mga Kristiyano.

3. Pag-isipan an puwedeng magin epekto sa konsiyensiya mo asin sa konsiyensiya kan iba kan desisyon na gigibuhon mo.

SUMARYO

Makakagibo kita nin marahay na mga desisyon kun aaramon ta an paghiling ni Jehova sa mga bagay-bagay saka kun pag-iisipan ta kun baga makakatabang o makakaraot sa iba an satong gigibuhon.

Rebyu

• Paano ka makakagibo nin desisyon na makakapaugma ki Jehova?

• Paano mo sasanayon an saimong konsiyensiya?

• Paano mo maipapahiling na rinerespeto mo an konsiyensiya kan iba?

HILINGON MAN

Paano ka makakagibo nin mga desisyon na makakapakusog kan relasyon mo sa Diyos?

“Gumibo nin mga Desisyon na Nagtataong Onra sa Dios” (An Torrengbantayan, Abril 15, 2011)

Pararumon an saimong pakasabot sa kun paano kita ginigiyahan ni Jehova.

Ginigiyahan ni Jehova an Saiyang mga Lingkod (9:50)

Aramon kun ano an nakatabang sa sarong lalaki sa paggibo nin sarong magabat na desisyon.

Ki Jehova Sigurado an Gabos na Marahay na Bagay (5:46)

Aramon pa kun paano mapapaugma si Jehova pag nagdedesisyon sa sarong bagay na diyan mayo siyang espesipikong pagbuot.

“Kamo daw Pirmeng Nangangaipo nin Pagboot sa Biblia?” (An Torrengbantayan, Disyembre 1, 2003)