• Magtaram nin “Marahay Para sa Pagpakosog”
    “Magdanay Kamo sa Pagkamoot nin Dios”

    • KUN TAANO TA KAIPUHAN NA MAG-INGAT KITA SA SATONG PAGTARAM

      4, 5. Paano ilinaladawan kan nagkapirang talinhaga sa Biblia an kapangyarihan nin mga tataramon?

      4 An sarong importanteng dahelan na mag-ingat sa satong pagtaram iyo na an mga tataramon igwa nin kapangyarihan. An Talinhaga 15:4 nagsasabi: “An pagkakalmado kan dila sarong kahoy nin buhay, alagad an pagbiribid kaiyan nangangahulogan nin pagronot sa espiritu.”a Kun paanong an tubig nakakarepresko sa sarong napapahang poon nin kahoy, an kalmadong pagtaram kan nakakarangang dila nakakarepresko man sa espiritu kan mga nakakadangog kaiyan. Sa kabaliktaran, an biribid na mga tataramon nin maraot na dila biyong makakapaluya sa boot nin iba. Tunay nanggad, an mga sinasabi niato igwa nin kapangyarihan na makakolog o makapaomay.​—Talinhaga 18:21.