Ano an Ngapit Para sa Satong Daga?

“Mayo nang iba pang siglo na nakatala an makapapareho kan ika-20 Siglo Sa Bakong Sibilisadong Sibil Na Kadahasan, Sa Bilang Nin Pagraralaban, Sa Ibinungang Kadaklan Nin Mga Dulag, Sa Minilyon Na Tawong Ginadan Sa Mga Guerra, Asin Sa Darakulang Gastos Para Sa ‘Depensa,’” An Sabi Kan World Military And Social Expenditures 1996. Mababago Pa Daw An Situwasyon Na Ini?

Ipinagirumdom ni apostol Pedro sa mga kristiano an sarong panuga na sinabi nin dios dakol nang siglo an nakaagi: “igwa nin bagong kalangitan asin sarong bagong daga na satong hinahalat oyon sa . . . panuga [nin dios], asin sa mga ini magdadanay an katanosan.” (2 Pedro 3:13) An mga tataramon na iyan sa orihinal kabtang kan hula ni isaias. (Isaias 65:17; 66:22) Naeksperyensiahan kan suanoy na israel an enot na kaotoban kan an nasyon ibalik sa dagang panuga kaiyan pakatapos kan pagkabihag sa babilonya sa laog nin 70 taon. Paagi sa pag-otro kan panuga manongod sa “bagong kalangitan asin sarong bagong daga,” ipinaheling ni pedro na an hula maootob pa sa mas dakula pa nganing sokol​—bilog na kinaban!

An pag-establisar nin matanos na mga kamugtakan sa bilog na daga kabotan nin dios, asin iyan pangyayarihon kan saiyang langitnon na kahadean na si Cristo an Hade. “An nasyon dai mabingat nin espada tumang sa nasyon, ni mag-aadal pa man sinda sa pakilaban.” (Isaias 2:4) An siring na lubos na katoninongan asin katiwasayan digdi sa daga an itinokdo ni jesus sa saiyang mga parasunod na laoman asin ipamibi sa inaapod sa parate na ama niamo, o pamibi kan kagurangnan, na nagsasabi: “Dumatong logod an kahadean mo. gibohon logod an boot mo, kun paano sa langit, siring man sa daga.”​—Mateo 6:​9, 10.

Magugusto daw kamong mabuhay sa sarong kinaban na arog kamatanos kan langit? Iyan an paglaom na iinaalok kan biblia sa gabos na bilog na pusong naghihingoang mamidbid an dios asin mamuhay oyon sa saiyang matanos na mga dalan.