Tibaad gustong gibohon ni Pilato an tama, alagad mawot nia man na protehiran an saiyang sadiri asin paoyonan an kadaklan. Sa katapustapusi, inenot nia an saiyang karera kisa sa saiyang konsensia asin hustisya. Minahagad nin tubig, sia naghugas kan saiyang mga kamot asin naghingakong inosente sa kagadanan na inaprobaran nia ngonyan.a Minsan ngani naniniwala sia na si Jesus inosente, si Pilato nagsugo na padusahan sia asin tinogotan an mga soldados na olog-ologon, hampakon, asin lutaban sia.​—Mateo 27:24-31.