² Kada taon, kaiba kita sa minilyon sa bilog na kinaban na nagtitiripon sa anibersaryo kan kagadanan kan saro na namumutan tang marhay—si Jesu-Cristo. (1 Ped. 1:8) Nagtitiripon kita tanganing girumdumon an saro na nagtao kan saiyang buhay bilang pantubos para iligtas kita sa kasalan asin kagadanan. (Mat. 20:28) Sa katunayan, gusto ni Jesus na girumdumon kan saiyang mga parasunod an saiyang kagadanan. Kan banggi bago siya magadan, pinunan niya an sarong espesyal na pamanggihan asin ipinagbuot: “Padagos nindong gibuhon ini sa paggirumdom sa sako.”—Luc. 22:19.