Dahil magagadan si Jesus siring sa sarong kriminal, ikinakapurisaw niyang marhay an katuyawan na tibaad darahon kaini sa ngaran kan saiyang Ama. Pero dinadangog ni Jehova an pamibi kan saiyang Aki, kaya mantang namimibi si Jesus, nagsugo an Diyos nin sarong anghel tanganing pakusugon siya. Dawa siring, dai nagpundo si Jesus sa pagngayo-ngayo sa saiyang Ama, kundi padagos siyang ‘namibi nin mas udok.’ Grabe an saiyang tensiyon sa emosyon. Magabaton nanggad an pasan ni Jesus! Nakataya digdi an saiya mismong buhay na daing sagkod saka kan nagtutubod na mga tawo! Sa katunayan, an saiyang daplos, o “ganot nagin siring sa mga tagdo nin dugo na nagtuturo sa daga.”—Lucas 22:44.