• “Tanganing Maaraman Nindo an Pagkamuot kan Cristo”
    Rumani ki Jehova

    • “Ama, Patawada Sinda”

      16. Paano risang-risa an pagigin andam ni Jesus na magpatawad dawa kan siya nasa hariging pasakitan?

      16 Ipinabanaag ni Jesus sa perpektong paagi an pagkamuot kan saiyang Ama sa saro pang importanteng paagi—siya “andam na magpatawad.” (Salmo 86:5) An pagigin andam na ini risang-risa dawa kan siya nasa hariging pasakitan. Dawa nag-aagi nin makasusupog na kagadanan, na ipinako an saiyang mga kamot asin bitis, ano an sinabi ni Jesus? Nakiulay daw siya ki Jehova na padusahan an mga nagpapasakit sa saiya? Sa kabaliktaran, kabilang sa ultimong sinabi ni Jesus an mga tataramon na ini: “Ama, patawada sinda, ta dai ninda aram an ginigibo ninda.”—Lucas 23:34.b

  • “Tanganing Maaraman Nindo an Pagkamuot kan Cristo”
    Rumani ki Jehova

    • b An inot na kabtang kan Lucas 23:34 mayo sa nagkapirang suanoy na manuskrito. Minsan siring, huling an mga tataramon na ini yaon sa dakul na iba pang masasarigan na manuskrito, iiniba iyan sa Bagong Kinaban na Traduksiyon asin sa dakul na iba pang traduksiyon. Posibleng marhay na an pinapanungdan ni Jesus iyo an mga suldados na Romano na nagpako sa saiya. Dai ninda aram an saindang ginigibo; dai ninda aram kun siisay talaga si Jesus. Tibaad nasa isip niya man an mga Judio na gusto siyang ipagadan, na kan huri nagturubod sa saiya. (Gibo 2:36-38) Siyempre, an mga lider nin relihiyon na nagsutsut kan paggadan na idto mas maninigo nanggad na manimbag, huling aram ninda an saindang ginigibo asin igwa sinda nin maraot na intensiyon. Para sa dakul sa sainda, dai na sindang paglaom na mapatawad.—Juan 11:45-53.