Girumdumon an Agom ni Lot

Taano ta nagsalingoy an agom ni Lot mantang nagdudulag hali sa Sodoma? Mayong sinasabi an Bibliya. (Ge 19:17, 26) Maririsa sa patanid ni Jesus na puwedeng nanghinayang siya sa mga bagay na binayaan niya. (Lu 17:31, 32) Paano ta malilikayan na mawara sa sato an pag-uyon nin Diyos arog kan nangyari sa agom ni Lot? Dai ta dapat pagtugutan na magin priyoridad niyato an materyal na kaginhawahan. (Mat 6:33) Sinabi ni Jesus na “dai [kita] makakapaglingkod bilang uripon nin Diyos asin nin Kayamanan.” (Mat 6:24) Pero paano kun marisa niyato na naaagaw na kan materyal na mga bagay an panahon ta sa espirituwal na mga bagay? Puwede kitang mamibi ki Jehova na tawan kita nin pakasabot para mahiling kun sain ta kaipuhan gumibo nin mga pagbabago saka nin kusog nin buot asin determinasyon na gibuhon iyan.

BALIKAN AN TULONG KABTANG NA VIDEO NA GIRUMDUMON AN AGOM NI LOT, DANGAN SIMBAGON AN MINASUNOD NA MGA HAPOT:

• 

  Paano nakaapektar sa pananaw, pagtaram, asin aksiyon ni Gloria an panggigipit sa saiya na magganar nin dakul na kuwarta?

• Taano ta sarong patanid sa sato ngunyan an nangyari sa agom ni Lot?

• Paano nakatabang ki Joe asin sa pamilya niya an pag-aplikar kan mga prinsipyo sa Bibliya?

• Paano nakaapektar sa espirituwalidad ni Anna an pakikiiba-iba niya sa saiyang mga katrabaho?

• Taano ta kaipuhan niyato an kusog nin buot kun ginigipit kita na inuton sa satong buhay an kuwarta?

• Ano an ginibo ni Brian saka Gloria para matawan giraray nin priyoridad an espirituwal na mga bagay?

• Anong mga prinsipyo sa Bibliya an nahiling mong inaplikar sa video na ini?