• Kapangyarihan na Ibalik sa Dati an mga Bagay-bagay—‘Ginigibo ni Jehova na Bago an Gabos na Bagay’
    Rumani ki Jehova

    • 3. Anong nakakarangang paglaom an sinasabi sa Gibo 3:21, asin paano iyan uutubon ni Jehova?

      3 Kun siring, nakakaranga nanggad na maaraman an manungod sa kapangyarihan ni Jehova na ibalik sa dati an mga bagay-bagay! Sa kapitulong ini maaaraman niyato an manungod sa dakul na bagay na kayang ibalik asin talagang ibabalik nin Diyos sa saiyang mga aki digdi sa daga. Sa katunayan, ipinapahiling kan Bibliya na katuyuhan ni Jehova an “pagbabalik sa dati kan gabos na bagay.” (Gibo 3:21) Tanganing magibo ini, gagamiton ni Jehova an Mesiyanikong Kahadian, na pinapamahalaan kan saiyang Aki, si Jesu-Cristo. Ipinapahiling kan ebidensiya na an Kahadian na ini nagpuon nang mamahala sa langit kan 1914.a (Mateo 24:3-14) Ano an ibabalik? Hilingon niyato an nagkapira sa pambihirang mga gibo ni Jehova nin pagbalik sa dati kan mga bagay-bagay. An saro sa mga ini nahihiling na niyato asin naeeksperyensiyahan. An iba mangyayari sa maabot pang panahon na may mahiwas na sakop.

  • Kapangyarihan na Ibalik sa Dati an mga Bagay-bagay—‘Ginigibo ni Jehova na Bago an Gabos na Bagay’
    Rumani ki Jehova

    • a “An mga panahon nin pagbabalik sa dati kan gabos na bagay” nagpuon kan establisaron an Mesiyanikong Kahadian na an nakatukaw sa trono iyo an tagapagmana kan maimbod na si Hading David. Pinanugaan ni Jehova si David na sarong tagapagmana niya an mamamahala sagkod lamang. (Salmo 89:35-37) Alagad pakatapos na laglagon kan Babilonya an Jerusalem kan 607 B.C.E., mayo nin tawong gikan ni David na nagtukaw sa trono nin Diyos. Si Jesus, na namundag digdi sa daga bilang tagapagmana ni David, nagin an haloy nang ipinanugang Hadi kan siya patukawon sa trono duman sa langit.