-
‘Hanapon an Diyos Asin Talagang Manunumpungan Siya’‘Lubos na Magpatotoo Mapadapit sa Kahadian nin Diyos’
-
-
13. Ano an ipinaliwanag ni Pablo manungod sa kapinunan kan uniberso, asin ano an mensahe kan mga sinabi niya?
13 Linalang nin Diyos an uniberso. Sinabi ni Pablo: “Siya an Diyos na naggibo kan kinaban saka kan gabos na bagay na yaon diyan, asin huling siya ngani an Kagurangnan kan langit asin daga, dai siya nag-iirok sa mga templong gibo nin tawo.”d (Gibo 17:24) An uniberso dai lang basta naglataw. An tunay na Diyos an Kaglalang kan gabos na bagay. (Sal. 146:6) Bakong arog ni Athena o kan iba pang mga diyos na an kamurawayan nakadepende sa mga templo, mga santuwaryo, asin mga altar, an Soberanong Kagurangnan kan langit asin daga dai magkakaigo sa mga templo na gibo kan mga kamot nin tawo. (1 Ha. 8:27) Malinaw an mensahe ni Pablo: An tunay na Diyos mas nangungurog na marhay kisa sa ano man na idolong gibo nin tawo na mahihiling sa mga templong gibo nin tawo.—Isa. 40:18-26.
-
-
‘Hanapon an Diyos Asin Talagang Manunumpungan Siya’‘Lubos na Magpatotoo Mapadapit sa Kahadian nin Diyos’
-
-
d An Griegong termino na itrinadusir na “kinaban” iyo an koʹsmos, na ginagamit kan mga Griego para ipanungod sa pisikal na uniberso. Posibleng ginamit ni Pablo an terminong ini sa siring kaiyan na kahulugan tanganing magkaigwa sinda nin puntong mapagkakauyunan kan mga Griegong nagdadangog sa saiya.
-