4. Gusto ni Jehova na maaraman mo an pangaran niya saka gamiton iyan

VIDEO: Igwa Daw nin Pangaran an Diyos?—Excerpt (3:11)

• Sa hiling mo, gusto daw ni Jehova na maaraman nin mga tawo an saiyang pangaran? Taano ta nasabi mo iyan?

Gusto ni Jehova na gamiton kan mga tawo an saiyang pangaran. Basahon an Roma 10:13, dangan pag-ulayan an mga hapot na ini:

• Taano ta mahalagang marhay na gamiton ta an pangaran nin Diyos, an Jehova?

• Ano an mamamatian mo pag dai nalingawan nin sarong tawo an pangaran mo tapos inapod ka pa niya sa saimong pangaran?

• Sa hiling mo, ano an mamamatian ni Jehova pag inapod mo siya sa saiyang pangaran?

1. Sa paanong paagi nararaot an reputasyon nin Diyos huli sa mga itinutukdo kan palsong mga relihiyon?

Sa mga tukdo kan palsong mga relihiyon, “mas pinili pa ninda an kaputikan kisa sa katotoohan mapadapit sa Diyos.” (Roma 1:25) Halimbawa, dai itinutukdo kan kadaklan na relihiyon sa saindang mga miyembro an pangaran kan Diyos. Pero sinasabi kan Bibliya na dapat gamiton an pangaran kan Diyos. (Roma 10:13, 14) May mga relihiyon na nagsasabi na pag may nangyaring maraot, kabutan daa iyan kan Diyos. Pero bako iyan totoo. An Diyos dai lamang magibo nin maraot. (Basahon an Santiago 1:13.) Nakakamundo ta dahil sa tukdo na iyan kan palsong mga relihiyon, nairarayo an mga tawo sa Diyos.