• ‘Isolog Nindo an Pakatios’
    An Torrengbantayan—2001 | Nobyembre 1

    • “An Pagkamoot Matinios”

      9. Tadaw gayod ta sinabihan ni Pablo an mga taga Corinto na “an pagkamoot matinios”?

      9 Ipinaheling ni Pablo na may espesyal na koneksion an pagkamoot asin an pakatios kan sabihon nia: “An pagkamoot matinios.” (1 Corinto 13:4) An sarong nag-espesyalisar sa Biblia, si Albert Barnes, nagsusuherir na idinoon ini ni Pablo dahelan sa pasuruhay asin iriwal na nangyari kaidto sa Kristianong kongregasyon sa Corinto. (1 Corinto 1:​11, 12) Sinabi ni Barnes: “An termino na ginamit digdi [para sa pakatios] kabaliktaran nin paghidali: nin anggot na mga pananaram asin pag-iisip, asin nin pagigin iritable. Nangangahulogan iyan kan kamugtakan nin isip na NAKAKATIOS kun inaapi, pinoprobokar.” An pagkamoot asin pakatios nakakokontribwir pa man giraray nin dakula sa katoninongan kan Kristianong kongregasyon.

      10. (a) Sa anong paagi kita tinatabangan kan pagkamoot na magin matinios, asin anong hatol an itinao ni apostol Pablo dapit sa bagay na ini? (b) Ano an ikinomento nin sarong nag-espesyalisar sa Biblia dapit sa pakatios asin kabootan nin Dios? (Helingon an nota sa ibaba.)

      10 “An pagkamoot matinios asin maboot. An pagkamoot . . . dai naghahanap kan saiyang sadiring kapakanan, dai napaaanggot.” Huli kaini, sa dakol na paagi, tinatabangan kita kan pagkamoot na magin matinios.a (1 Corinto 13:​4, 5) An pagkamoot pinangyayari kita na mapasensiang magpatiniriostios asin girumdomon na kita gabos bakong sangkap asin igwa nin mga sala patin depekto. Tinatabangan kita kaiyan na magin makonsiderasyon asin mapagpatawad. Ineenkaminar kita ni apostol Pablo na maglakaw na “igwa nin lubos na kababaan nin isip asin kahoyoan, na may pakatios, na nagpapatiriostiosan sa pagkamoot, na maigot na naghihingoa na otobon an pagkasararo kan espiritu sa nakapagpapasarong bogkos nin katoninongan.”​—Efeso 4:1-3.

  • ‘Isolog Nindo an Pakatios’
    An Torrengbantayan—2001 | Nobyembre 1

    • a Sa pagkomento dapit sa sinabi ni Pablo na “an pagkamoot matinios asin maboot,” an nag-espesyalisar sa Biblia na si Gordon D. Fee nagsurat: “Sa teolohiya ni Pablo an mga iyan [pakatios asin kabootan] nagrerepresentar sa duwang kabtang kan aktitud nin Dios sa katawohan (ikomparar an Roma 2:4). Sa sarong kampi, an mamomoton na pagpopogol nin Dios ipinaheheling kan saiyang pagpogol sa saiyang grabeng kaanggotan sa pagrebelde nin tawo; sa ibong na kampi, an saiyang kabootan manonompongan sa rinibong kapahayagan kan saiyang pagkaherak. Sa siring an paglaladawan ni Pablo sa pagkamoot minapoon sa saiyang duwang paglaladawan sa Dios, na paagi ki Cristo ipinaheling nia na sia nagpopogol asin maboot sa mga maninigo sa paghokom nin Dios.”