• An Bibliya Mensahe nin Diyos Para sa Sato
    Mabuhay nin Maugma Sagkod Pa Man!—Interactive na Pag-adal sa Bibliya

    • 1. Kun mga tawo an nagsurat kan Bibliya, paano nangyari na Diyos an Awtor kaiyan?

      Mga 40 lalaki an nagsurat kan Bibliya sa laog nin mga 1,600 na taon, puon 1513 B.C.E. sagkod mga 98 C.E. Maski ngani iba-iba an kamugtakan sa buhay kan mga nagsurat kaiyan, dai nagkokorontrahan an mga isinurat ninda. Paano iyan nangyari? An Diyos kaya an Awtor kan Bibliya. (Basahon an 1 Tesalonica 2:13.) An isinurat kan mga lalaking idto bako nindang kaisipan. Imbes, “nagtaram [sinda] gikan sa Diyos mantang ginigiyahan sinda kan banal na espiritu.”a (2 Pedro 1:21) Ginamit kan Diyos an saiyang banal na espiritu tanganing pasabngan, o pahiruon, an mga lalaking idto na isurat an saiyang mga kaisipan.—2 Timoteo 3:16.

  • Anong Klase nin Diyos si Jehova?
    Mabuhay nin Maugma Sagkod Pa Man!—Interactive na Pag-adal sa Bibliya

    • 4. Banal na espiritu—an aktibong puwersa nin Diyos

      Collage: Mga nagibo nin Diyos paagi kan saiyang banal na espiritu. 1. Mga planeta saka an uniberso. 2. Sarong kagsurat kan Bibliya na isinusurat sa sarong rolyo an ipinasabong na mga kaisipan nin Diyos.

      Kun kamot an ginagamit ta sa pagtrabaho, si Jehova man banal na espiritu an ginagamit. Itinutukdo kan Bibliya na an banal na espiritu bakong persona kundi an puwersa na ginagamit nin Diyos tanganing magibo an mga bagay-bagay. Basahon an Lucas 11:13 asin Gibo 2:17, dangan pag-ulayan an mga hapot na ini:

      • “Ibububo” nin Diyos an saiyang banal na espiritu sa mga naghahagad kaiyan. Kaya ano sa hiling mo an banal na espiritu? Iyan daw persona, o aktibong puwersa nin Diyos? Taano ta nasabi mo iyan?

      Ginagamit ni Jehova an saiyang banal na espiritu para maggibo nin makangangalas na mga bagay. Basahon an Salmo 33:6 asin 2 Pedro 1:20, 21, dangan pag-ulayan an hapot na ini:

      • Ano an pira sa mga ginibo ni Jehova paagi sa saiyang banal na espiritu?

      Collage: Mga nagibo nin Diyos paagi kan saiyang banal na espiritu. 1. Mga planeta saka an uniberso. 2. Sarong kagsurat kan Bibliya na isinusurat sa sarong rolyo an ipinasabong na mga kaisipan nin Diyos.