Makapagpapadagos daw Kamo?
1 Saro daw kamo sa mga nag-auxiliary payunir nin duwa o tolong bulan ngonyan na tig-init? Daing duwa-duwa na nanompongan nindo na, paagi sa sarong marahay na iskedyul, naabot nindo an 60 oras na kahagadan asin nakamtan nindo an dakol na kaogmahan sa saindong paglilingkod. Posible daw para sa saindo na magpadagos bilang auxiliary payunir kada bulan poon ngonyan? Kun iyo, puede nindong sabihon ini sa saindong aplikasyon sa Komite sa Paglilingkod kan Kongregasyon.
2 Sa satong pandistritong mga kombension, 4,924 an total na nabautismohan, na iyo an pinakahalangkaw kisa kasuarin pa man. Nasisierto niamo na dakol sa mga ini an nagpoon na mag-auxiliary payunir tolos pakabautismo asin an nagkapira galagang naglalaom na makualipikar bilang regular payunir sa Hulyo. Kinokomendaran nanggad niamo an mga bagohan na ini asin ineenkaminar sinda na padagos na magpayunir kun itinotogot kan saindang mga kamugtakan.
3 Aram niamo na an gabos na nag-auxiliary payunir mapagngayongayong kokonsideraron an pasohan na pagregular payunir, kun bakong ngonyan mismo, kisuerra sa Setyembre 1, 1997 sa pagpoon kan bagong taon nin paglilingkod. Naglalaom kaming maresibi an saindong mga aplikasyon.