Mga Paisi

◼ Alok sa Disyembre: Bibliang New World Translation kaiba an librong Kaaraman sa kontribusyon na ₱125.00. Puedeng ialok bilang kasalida an librong Mabuhay Sagkod Lamang o God’s Word. Enero: Nagkakasararo sa Pagsamba sa Iyo Sanang Tunay na Dios o ano man na ibang haloy nang 192-pahinas na libro. Kun mayo, puedeng ialok an librong Kaaraman. Pebrero: An librong Kaogmahan nin Pamilya. Marso: Kaaraman na Minagiya Pasiring sa Buhay na Daing Katapusan. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ An nangengenot na paraataman o an saro na inasignaran nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.

◼ Mahalagang seguradohon kan mga parahayag na iareglo nindang makikabtang sa paglilingkod sa langtad nin amay pa ngonyan na Disyembre. Kun kamo maatender nin kombension o mabakasyon, seguradohon nindo na itao an saindong report sa sekretaryo bago maghale. Kun an gabos mag-iisip na itao an report sa tamang oras sa katapusan kan bulan, magkakaigwa kita nin kompletong report para sa Disyembre.

◼ Mga Kontribusyon Para sa Pandistritong Kombension: An gabos na gastos sa mga kombension, kabale an pag-arkila nin angay na mga pasilidad, pagpreparar kan entablado asin sound system biyong suportado nin boluntaryong mga kontribusyon. Naseseguro niamo na gigirumdomon nindo ini kun nag-aatender. Puedeng magkontribwir paagi sa paggamit kan mga kahon sa kontribusyon na yaon sa kada kombension.​—Helingon an parapo 19 kan suplemento kan An Satong Ministeryo sa Kahadean para sa Nobyembre 1999.

◼ Teksto kan Taon 2000: An teksto kan taon para sa 2000 kinua sa Hebreo 10:​39: “Bako kita an klase na minasibog . . . kundi an klase na may pagtubod.” An gabos na kongregasyon maninigong iareglo na ibugtak an bagong teksto kan taon sa saindang Kingdom Hall sa Enero 1, 2000.

Report nin Paglilingkod sa Agosto

Pro. Pro. Pro. Pro.

Bilang nin: Oras Mag. P-L P-B

Esp. Pay. 390 126.8 28.7 43.5 6.5

Reg. Pay. 17,792 56.7 12.6 15.9 2.6

Aux. Pay. 2,810 44.4 9.9 9.6 1.5

Par. 111,504 8.0 2.2 2.1 0.4

TOTAL 132,496 Nabautismohan: 700

An Teokratikong Paadalan sa Pagmiministro Para sa 2000

¹ An Teokratikong Paadalan sa Pagmiministro napatunayan na sarong mayaman na bendisyon para sa banwaan ni Jehova. Sa nag-aging 50 taon, tinabangan kaiyan an minilyon na pataluboon an saindang mga abilidad bilang pampublikong mga espiker asin paratokdo kan mga katotoohan sa Biblia. (Sal. 145:​10-​12; Mat. 28:​19, 20) Naheheling daw nindo kun paano kamo natabangan kan paadalan? Iyan puedeng magpadagos sa paggibo kaiyan durante kan 2000 kun kamo makikikabtang dian nin lubos asin iaaplikar an konseho na itinatao.

² An mga instruksion dapit sa mga asignasyon asin publikasyon na gagamiton nakalista sa enot na pahina kan iskedyul sa paadalan para sa 2000. Kinonsiderar an iinasignar na oras para sa kada kabtang, an reperensia, kun paano ipepresentar an materyal, asin iba pang detalye. Tawan tabi nin panahon na maingat na basahon an mga instruksion asin iaplikar iyan.

³ Semanal na Babasahon sa Biblia: Igwa nin duwang magkasuhay na programa para sa semanal na babasahon sa Biblia na nakalista sa iskedyul sa paadalan. An saro iyo an dating programa sa pagbasa na kinokobrehan an mga limang pahina kan Biblia. Basado sa babasahon na ini an mga tampok na kabtang kan Biblia. An saro pang programa sa pagbasa suplementaryo sana asin doble kaiyan an materyal na kinokobrehan. Paagi sa pagsunod sa programang ini, mahihimo nindong basahon an bilog na Biblia sa laog nin tolong taon. Siempre an nagkapira tibaad boot na magbasa nin mas halawig kisa nakaiskedyul sa suplementaryong programa, asin an iba tibaad dai kayang sundan iyan. Imbes na ikomparar an saindong sadiri sa iba, maggayagaya sa kaya nindong taposon. (Gal. 6:4) An mahalagang marhay iyo na basahon an Tataramon nin Dios aroaldaw.​—Sal. 1:​1-3.

⁴ Tangani na makapalista sa Teokratikong Paadalan sa Pagmiministro, maninigo na kaolayon nindo an paraataman sa paadalan. Tabi odok sa boot na akoon an saindong mga asignasyon, asin dai magkanselar kun dai man kaipuhan. Pahalagahan an paadalan bilang sarong probisyon hale ki Jehova. Mag-andam na marhay, magin pamilyar na marhay sa asignadong materyal, asin ipahayag an saindong sadiri gikan sa puso, sa siring nakikinabang nin lubos sa daing kaagid na paadalan na ini.