Paghuhulit—Sagkod sa mga Kasagkodan kan Daga
Siisay an posibleng magdalan nin paorootro kan video na To the Ends of the Earth? An mga igwa nin pasohan na magin mga misyonero. Taano? Tangani sindang magin pamilyar sa Paadalan sa Biblia kan Watchtower sa Gilead. An video nagsenyalar kan ika-50 anibersaryo kan napapalaen na paadalan na ini, na minukna tangani na pahiwason an pagpatotoo sagkod sa “gabos na kasagkodan kan daga.” (Sal. 22:27) An pagdalan kaiyan makadudugang sa saindong pag-apresyar sa pinakaimportanteng gibohon na paghuhulit kan maogmang bareta asin pahihiroon kamo sa dinugangan na aktibidad. Pag-olayan: (1) Kan kapinonan kan mga taon nin 1940, ano an nagin pangenot na tinawan nin atension kan organisasyon ni Jehova? (Gibo 1:8) (2) Kan 1942, anong nakakukubhan na hula sa Biblia an naootob na, asin paano na an pokus kan satong atension laen kisa kan sa kinaban sa pankagabsan? (Kap. 17:8; w89-BI 5/1 p. 14 par. 12 [w89-E 4/15 p. 14 par. 12]) (3) Anong mga plano an ginibo tangani na maaprobetsaran an inaantisipar na peryodo nin katoninongan pakatapos kan Guerra Mundial II? (jv-E p. 522 par. 1-2) (4) Anong mga kualidad kan mga estudyante kan enot na klase kan Paadalan sa Gilead an hinahangaan nindo? (5) Sa enot na 50 taon kan Gilead, pirang estudyante an naggradwar, asin sa pirang kadagaan sinda isinugo? (6) Gurano kadakol na edukasyon sa Biblia an aktuwal na nakukua kan mga estudyante? (7) Ano an nagpapangyari sa saro na magin mahusay na misyonero asin paratokdo kan Tataramon nin Dios? (8) Anong klase an buhay bilang sarong misyonero, asin anong mga angat an dapat na atubangon? (9) Ano an saboot kan mga misyonero manongod sa saindang pamumuhay, asin anong espesyal na mga kagayagayahan an ibinubunga kan saindang pagigin mapagsakripisyo? (10) Ano an nagibo na sagkod ngonyan kan rinibong misyonero? Magtao nin mga halimbawa. (11) Ano an mga impresyon nindo manongod sa mga tugang na lalaki asin babae na nagduman sa mga “kasagkodan kan daga” tangani na maghulit? (12) An itinataong halimbawa kan mga misyonero nakaeenkaminar sa saindo na gibohon an ano, asin taano?