2. (a) Paano niato poponan an satong pag-atubang paagi sa sarong teksto? (b) Anong mga tema sa Kasuratan an interesante sa mga tawo sa teritoryo?

² Magpoon Paagi sa Sarong Teksto: May mga parahayag na pinoponan an saindang pag-atubang paagi sa paghapot sa kagharong nin sarong simpleng hapot sa punto de vista manongod sa sarong teksto sa Biblia na kasunod nindang babasahon. Dinadara tolos kaini an atension sa Tataramon nin Dios. Magigin epektibo daw sa saindong teritoryo an nagkapira sa minasunod na mga introduksion na ini?

◼ “Kun may kakayahan kamo, gigibohon daw nindo an mga pagbabagong ini?” Basahon an Kapahayagan 21:4.

◼ “Taano daw ta nabubuhay kita sa grabe kadelikadong mga panahon?” Basahon an 2 Timoteo 3:​1-5.

◼ “Sa paghona daw nindo magigin mas marahay an satong komunidad kun an gabos nagkukuyog sa sadol na ini?” Basahon an Mateo 7:12.

◼ “Sa paghona daw nindo maeeksperyensiahan pa kan mga aki nindo an mga kamugtakan na sinabi digdi?” Basahon an Salmo 37:​10, 11.

◼ “Sa paghona daw nindo maabot pa an panahon na magkakatotoo an mga tataramon na ini?” Basahon an Isaias 33:24.

◼ “Pamilyar daw kamo sa pagbago nin gobyerno na nasambitan digdi?” Basahon an Daniel 2:44.

◼ “Haloy na daw na gusto nindong ihapot ini sa Dios?” Basahon an Job 21:7.

◼ “Posible daw na maheling giraray an satong gadan nang mga mahal sa buhay?” Basahon an Juan 5:​28, 29.

◼ “Aram daw kan mga gadan kun ano an ginigibo kan mga buhay?” Basahon an Eclesiastes 9:5.

Kun Ano an Sasabihon Manongod sa mga Magasin

An Torrengbantayan Set. 15

“Kaiba sa pamibi mismo nin minilyon na tawo an midbid na marhay na mga tataramon na ini. [Basahon an Mateo 6:10.] Ano daw sa paghona nindo an magigin buhay kun an kabotan nin Dios lubos nang naotob digdi sa daga? [Pasimbagon.] Sinisiyasat kan magasin na ini an kahulogan kan kada kabtang kan Pamibi kan Kagurangnan, kaiba an kabtang na binasa pa sana niato.”

Awake! Set. 22

“Dakol an nahahadit manongod sa sarong naggagrabeng problema kan mga hoben​​—an ngana-nganang pag-inom. Nadangog na daw nindo iyan? [Pasimbagon. Dangan basahon an Talinhaga 20:1.] An ngana-nganang pag-inom nagtatao nin dakol na peligro sa mga hoben. An artikulong ini igwa nin impormasyon na makakatabang sa sainda na malabanan an pangigipit na mag-abuso sa inomon na de alkohol.”

An Torrengbantayan Okt. 1

“Kita gabos naghihimuyawot na maheling an katapusan kan krimen, kadahasan, asin guerra. Sa paghona daw nindo maheheling pa niato an pagkaotob kan mga tataramon na ini? [Basahon an Salmo 37:11. Dangan pasimbagon.] Tinotokar kan magasin na ini kun paano an panugang ini konektado sa orihinal na katuyohan nin Dios para sa katawohan asin kun paano kita makakapakikabtang dian.”

Awake! Okt. 8

“Bako daw nakakamondo na kada taon minilyon na dai pang agom na babaeng tinedyer an nagbabados? [Pasimbagon.] Tinotokar kan magasin na ini an mga lakdang na puede nindang gibohon tangani na maatubang an dakol na angat sa pagigin inang tinedyer. Ipinapaliwanag man kaiyan kun paano matatabangan nin mga magurang an saindang mga aki na sa primero pa sana malikayan na an problemang ini.” Basahon an 2 Timoteo 3:15.