Hapot
◼ Tama daw na magkompilar nin materyales na itatampok sa Teokratikong Paadalan sa Pagmiministro asin idistribwir iyan sa iba?
Puedeng itogot na gibohon ini para sa personal na paggamit kan mga miembro nin pamilya asin nagkapirang dayupot na katood. Minsan siring, an siring na materyales bakong para sa pangkagabsan na pagdistribwir o pagpabakal, huling ini magigin pagbalga sa mga ley sa deretsong magpublikar.—Roma 13:1.
Para sa nagkapirang asignasyon sa Teokratikong Paadalan sa Pagmiministro, tema sana an itinatao; mayong itinataong mga reperensia. Magigin kapakipakinabang daw para sa saro na mag-andam nin sarong lista nin mga reperensia o magkompilar nin reperensia na puedeng gamiton kan mga nag-aako nin siring na mga asignasyon? Dai. Bako man tama na ikompilar an mga simbag sa mga hapot sa Repaso sa Teokratikong Paadalan sa Pagmiministro tanganing gamiton kan iba, huling dai ini makakatabang sa sainda na girumdomon an importanteng mga punto. An mga estudyante maninigong gumibo nin sadiri nindang pagsiyasat. Ini sarong importanteng aspekto kan pagsasanay na itinatao ni Jehova paagi sa paadalan tanganing tabangan kita na magtaram na may “dila kan mga tinokdoan.”—Isa. 50:4.