Mga Paisi

◼ Alok sa Hulyo asin Agosto: Puedeng ialok an arin man sa mga brosyur. Setyembre: Life—How Did It Get Here? By Evolution or by Creation? Kun dai akoon kan mga kagharong an alok na libro, iatubang an brosyur na Magdanay Kamong Mapagbantay! Oktubre: Ialok an indibiduwal na mga kopya kan An Torrengbantayan sagkod Awake! Kun magpaheling nin interes, iintrodusir tabi an brosyur na Kahagadan.

◼ Sa Sabado, Agosto 27, 2005, magkakaigwa nin pankagabsan na paglinig sa Erokan na Bethel sa Quezon City, kaya an opisina sirado sa agang iyan asin daing pagpasyar sa aldaw na iyan. An resepsion para sa literatura sirado man sa agang iyan.

◼ Poon sa enot na semana nin Setyembre, an mga paraataman sa sirkito matao kan pampublikong pahayag na may temang “Humiro na May Kadonongan sa Sarong Daing Isip na Kinaban” kun nagdadalaw sa mga kongregasyon.

◼ Irinerekomendar na an mga aplikasyon para sa paglilingkod bilang regular payunir isumitir sa sangang opisina kisuerra 30 aldaw bago kan hinahagad na petsa nin pagpoon. Huli kaini, an mga boot na pumoon nin pagregular payunir sa kapinonan kan taon nin paglilingkod sa Setyembre 1 maninigong isumitir an saindang aplikasyon sa kamagurangan ngonyan na Hulyo. Maninigong repasohon kan sekretaryo kan kongregasyon an mga porma tangani na seguradohon na kompleto iyan. Kun dai magirumdoman kan mga aplikante an eksaktong petsa kan saindang bautismo, maninigo nindang kalkulohon an petsa asin irekord iyan. Maninigong isurat kan sekretaryo an petsang ini sa Congregation’s Publisher Record (S-21) card.

◼ Maninigong seguradohon kan mga sekretaryo sa kongregasyon na igwa sinda nin Pioneer Appointment Letter (S-202) para sa lambang regular payunir sa kongregasyon. Kun mayo sinda, sumurat tabi sa sangang opisina.

◼ Kaipuhan kan sangang opisina na magpadanay nin bagong rekord nin mga adres asin numero nin telepono kan gabos na nangengenot na paraataman asin sekretaryo. Kun igwa nin pagbago sa ano man na panahon, maninigo na llenaran, pirmahan, asin ipadara tolos-tolos kan Komite sa Paglilingkod kan Kongregasyon an pormang Presiding Overseer/Secretary Change of Address (S-29) sa sangang opisina. Kaiba digdi an ano man na pagbabago sa mga area code nin telepono.

◼ Makukuang Bagong MP3 Compact Disc:

New World Translation of the Holy Scriptures—MP3—Ingles (Anom na compact disc)

Tabangan an mga Aki Nindo na Umoswag sa Ministeryo

¹ An Kristianong mga magurang igwa nin magabat na paninimbagan na sanayon an mga aki ninda sa ministeryo poon na sadit pa. Puede ining magibo sa nagkapirang paagi. May mga aki na kayang sabihon an laog nin sarong angay na teksto sa Biblia bago pa ngani sinda makabasa. Puede ining magkaigwa nin mapuersang epekto sa mga naghihinanyog. Mantang nagdadakula an sadit na mga aki, dakol pa ngani an magigibo ninda sa ministeryo. Paano nindo matatabangan mga magurang an mga aki nindo na makikabtang sa pagpatotoo? Tibaad makatabang pa an minasunod na mga suhestion.

² Pakataratara, puede nindong sabihon:

◼ “An aki ko, [ngaran kan aking lalaki], may sarong makahulogan na teksto na gusto niang madangog nindo.” Puedeng sabihon kan aki nindo: “An teksto pong ini sa Salmo an nagtokdo sa sako kan ngaran nin Dios. [Babasahon o sasabihon kan aki an laog kan Salmo 83:18.] Tinotokar po kan mga magasin na ini an manongod sa gigibohon ni Jehova Dios para sa sato. Puede daw po na iwalat ko iyan sa saindo?” Puede nindong taposon an pakikipag-olay paagi sa pagpaliwanag kun paano sinusustentohan an pambilog na kinaban na gibohon.

³ O puede nindong probaran an pamamaaging ini:

◼ “Kumusta. Sinasanay ko an aki ko, [ngaran kan aking babae], na magpaheling nin pagmalasakit sa iba sa komunidad. Gusto niang ihiras sa saindo an sarong halipot na mensahe sa Biblia.” Puedeng sabihon kan aki: “An saro pong paagi na gusto kong matabangan an mga tawo iyo an paghiras kan paglaom sa Biblia para sa ngapit. [Babasahon o sasabihon kan aki an laog kan Kapahayagan 21:4.] Ipinapaliwanag po kan magasin na ini kun ano an gigibohon kan Kahadean nin Dios para sa sato. Naisip ko po na maoogma kamong basahon iyan.”

⁴ An pirmeng paggamit nin simpleng pag-atubang nagpapangyari sa mga aki na magkaigwa nin kompiansa sa saindang abilidad na ihiras an mensahe kan Kahadean. An mga sesyon sa pag-ensayo na nakakonsentrar sa pagtaram nin malinaw asin may igong kosog nin boses makakatabang sa sainda na magtaram sa manlaenlaen na kamugtakan. An marahay na pag-andam nin patienot asin sinserong komendasyon makakatabang sa sadit na mga aki na ikapahayag an saindang pagtubod.

⁵ Paagi sa siring na pagparigon sa boot, dakol na aki an nakualipikar bilang dai pa bautisadong parahayag. Kanigoan na kagayagayahan na maheling an mga aki niato na nag-ooswag sa Kristianong ministeryo!—Sal. 148:12, 13.