Pamibi
Taano ta masasabi niyato na dinadangog asin sinisimbag ni Jehova an satong mga pamibi?
Hilingon man an Sal 66:19; Gi 10:31; Heb 5:7
Halimbawa sa Bibliya:
1Ha 18:36-38—Sinimbag tulos ni Jehova an pamibi ni propeta Elias sa Bukid nin Carmel kan maghampangan ini saka an mga propeta ni Baal para patunayan kun siisay an tunay na Diyos
Mat 7:7-11—Dinadagka kita ni Jesus na magin matiyaga sa pagpamibi asin inaasigurar niya kita na si Jehova, bilang sarong mamumuton na Ama, nagdadangog sa sato
Kiisay sana dapat mamibi an mga Kristiyano?
Paagi kiisay na pangaran kita namimibi?
Kiisay na mga pamibi an dinadangog ni Jehova?
Kiisay na mga pamibi an dai dinadangog ni Jehova?
Tal 15:29; 28:9; Isa 1:15; Mik 3:4; San 4:3; 1Pe 3:7
Halimbawa sa Bibliya:
Jos 24:9, 10—Dai dinangog ni Jehova si Balaam huling an hinahagad niya kontra sa katuyuhan nin Diyos
Isa 1:15-17—Huling an saiyang banwaan nagin mapagsagin-sagin asin may pagkakasala sa dugo, dai dinangog ni Jehova an saindang mga pamibi
Paano ta maninigong tapuson an satong pamibi, asin taano?
May sinasabi daw an Bibliya na espesipikong posisyon pag namimibi?
1Ha 8:54; Mar 11:25; Lu 22:39, 41; Ju 11:41
Hilingon man an Jon 2:1
Ano an pira sa mga bagay na puwedeng ipamibi kan mga lingkod ni Jehova pag nagtitiripon sinda para sa pagsamba?
Halimbawa sa Bibliya:
1Cr 29:10-19—Pinanginutan ni Hading David sa pamibi an katiripunan kan Israel pagkatapos na magtao an banwaan nin gikan sa buot na mga donasyon para sa templo
Gi 1:12-14—An mga apostol, an mga tugang na lalaki ni Jesus, si Maria na ina ni Jesus, asin an iba pang maimbod na mga babayi iribang namibi sa sarong kuwarto sa itaas sa Jerusalem
Pag namimibi, taano ta dai dapat nuarin man ilangkaw kan saro an saiyang sadiri o hinguwahon na magpasikat sa iba?
Tama lang daw na mamibi pag makakan?
Taano ta dai ta dapat nuarin man pagpabayaan an pagpamibi sa satong Ama sa langit?
Ro 12:12; Efe 6:18; 1Te 5:17; 1Pe 4:7
Halimbawa sa Bibliya:
Da 6:6-10—Dawa nameligrong magadan, ipinagpadagos ni propeta Daniel an nakatudan niyang pagpamibi ki Jehova na nahihiling kan iba
Lu 18:1-8—Ginamit ni Jesus an halimbawa kan sarong bakong matanos na huwes na dinangog an pursigidong mga pakiulay kan sarong babayi para sa hustisya tanganing iilustrar na andam an satong matanos na Ama na simbagon an satong mga pakiulay para sa tabang
Ano an dapat na sabuot ta para dangugon nin Diyos an satong mga pamibi para sa kapatawadan?
Halimbawa sa Bibliya:
2Ha 22:11-13, 18-20—Huling nagpakumbaba si Hading Josias asin hininguwang mapaugma si Jehova, pinahilingan siya nin pagkahirak asin kabuutan
2Cr 33:10-13—Mapakumbabang namibi si Hading Manases kaya pinatawad siya ni Jehova asin ibinalik sa trono
Ano an hinahagad sa sato ni Jehova para patawadon niya kita?
Taano ta dapat tang ipahayag sa satong mga pamibi an satong pagsuporta sa katuyuhan nin Diyos?
Taano ta dapat na mahiling sa mga pamibi ta an satong pagtubod sa satong Ama sa langit?
Ano an pira sa mga bagay na puwede tang ipamibi?
An pagpakangbanal kan pangaran nin Diyos
An pagdatong kan Kahadian nin Diyos para mamahala sa bilog na daga
An pagpangyari kan kabutan ni Jehova
Paghagad kan satong materyal na mga pangangaipo
Paghagad nin kapatawadan sa satong mga kasalan
Proteksiyon laban sa sugot
Pasasalamat
Paghagad nin kaaraman manungod sa kabutan nin Diyos, nin pakasabot, asin kadunungan
Hilingon man an Sal 119:34
Halimbawa sa Bibliya:
1Ha 3:11, 12—Ikinaugma ni Jehova an paghagad ni Hading Solomon nin kadunungan asin bulaos siyang tinawan kaiyan
Paghagad nin banal na espiritu
Pakiulay para sa kapakanan kan satong mga tugang, kaiba na an mga nag-aagi nin persekusyon
Mga kapahayagan nin pag-umaw
Halimbawa sa Bibliya:
Lu 10:21—Inumaw ni Jesus an saiyang Ama sa atubangan nin mga tawo huli sa paghayag Niya kan espirituwal na katotoohan sa mga mapakumbaba na arog kan mga aki
Kap 4:9-11—An langitnon na pamilya ni Jehova nagtatao sa saiya nin onra asin kamurawayan na maninigo para sa saiya
Pakiulay na pahiruon an mga nasa awtoridad na tugutan kitang sambahon si Jehova nin tiwasay asin maghulit sa mga tawo
Hilingon man an Jer 29:7
Tama sana daw na mamibi sa oras kan satong bawtismo?
Tama sana daw na mamibi para sa mga may hilang sa espirituwal?
Taano ta namimibi an mga lalaki na mayong kulbong sa payo, asin taano ta kun minsan an mga babayi namimibi na may kulbong sa payo?
Pag namimibi, ano an urog na mahalaga kisa sa lawig o pagigin grabe kaemosyonal kan satong mga pamibi?
Halimbawa sa Bibliya:
1Ha 18:25-29, 36-39—Bilang simbag sa pag-angat ni propeta Elias, an mga propeta ni Baal nagparaapod sa saindang diyos sa laog nin dakul na oras, pero mayong nangyari
Gi 19:32-41—An mga parasamba sa idolo sa Efeso desperadong nagparaapod sa diyosang si Artemis sa laog nin duwang oras, alagad mayong nangyari asin inanggutan sana sinda kan administrador kan siyudad