Persekusyon
Taano ta dapat asahan kan mga Kristiyano na pepersegiron sinda?
Pag pinepersegir, taano ta dapat tang hagadon an tabang ni Jehova?
Sal 55:22; 2Co 12:9, 10; 2Ti 4:16-18; Heb 13:6
Halimbawa sa Bibliya:
1Ha 19:1-18—Kan pinepersegir, udok sa pusong namibi si propeta Elias ki Jehova asin nag-ako siya nin pampakusog asin pagranga
Gi 7:9-15—Pinersegir si Jose kan saiyang mga tugang, pero dai siya pinabayaan ni Jehova, ilinigtas siya, asin ginamit para iligtas an saiyang pamilya
Ano an nagkapirang klase nin persekusyon?
Pang-iinsulto
2Cr 36:16; Mat 5:11; Gi 19:9; 1Pe 4:4
Halimbawa sa Bibliya:
2Ha 18:17-35—An tagapagtaram kan hadi kan Asiria, an Rabsake, ininsulto si Jehova asin tinuya an mga taga Jerusalem
Lu 22:63-65; 23:35-37—Ininsulto asin tinuya si Jesus kan mga nagpepersegir saiya mantang binabantayan siya kan mga ini asin mantang nakapako siya sa hariging pasakitan
Pagkontra nin mga kapamilya
Pag-arestar asin pag-atubang sa mga opisyal kan gobyerno
Pisikal na pangungulog
Pag-atake nin sururog na grupo nin mga tawo
Paggadan
Ano an dapat gibuhon kan mga Kristiyano pag pinepersegir?
Mat 5:44; Gi 16:25; 1Co 4:12, 13; 1Pe 2:23
Halimbawa sa Bibliya:
Gi 7:57–8:1—Dawa magagadan na huli sa pag-atake kan sururog na grupo nin mga tawo, hinagad sa Diyos kan disipulong si Esteban na patawadon an mga nagpepersegir sa saiya, kaiba na si Saulo na taga Tarso
Gi 16:22-34—Dawa binugbog si apostol Pablo asin ibinugtak sa pandog, nagpahiling siya nin kabuutan sa guwardiya sa presuhan kaya dahil diyan nagin Kristiyano an guwardiya pati na an bilog niyang pamilya
Ano an nangyari sa nagkapirang Kristiyano kan inot na siglo?
Ano an dapat na magin pagmansay ta sa persekusyon?
Paano an satong paglaom sa maabot nagpapakusog sa sato pag pinepersegir kita?
Taano ta dai kita dapat masupog, matakot, o pangluyahan nin buot pag pinepersegir kita, asin taano ta dai kita dapat magpundo sa paglilingkod ki Jehova?
Sal 56:1-4; Gi 4:18-20; 2Ti 1:8, 12
Halimbawa sa Bibliya:
2Cr 32:1-22—Kan mapaatubang sa huma nin pag-atake kan makusog na hukbo ni Hading Senakerib, an maimbod na si Hading Hezekias nagtiwala ki Jehova asin pinakusog niya an banwaan; binalusan nanggad siya
Heb 12:1-3—Pinurbaran kan mga nagkokontra na ipasupog si Jesus, pero dai niya inintindi an kasusupgan, asin dai niya tinugutan na paluyahon siya kaiyan
Ano an marahay na resulta kan persekusyon?
Pag nagtatagal kita, napapaugma ta si Jehova asin natatawan kaiyan nin onra an pangaran niya
Halimbawa sa Bibliya:
Job 1:6-22; 2:1-10—Dawa dai aram ni Job na si Satanas an dahilan kan grabeng pagbalo saiya, nagdanay siyang maimbod ki Jehova, kaya napatunayan niya na putikon si Satanas asin natawan niya nin onra si Jehova
Da 1:6, 7; 3:8-30—Andam an mga maimbod na si Hananias, Misael, asin Azarias (Sadrac, Mesac, asin Abednego) na atubangon an makatatakot na kagadanan kisa suwayon si Jehova; bilang resulta, pinamuraway si Jehova kan paganong hading si Nabucodonosor sa atubangan nin mga tawo
An persekusyon puwedeng magtao nin oportunidad na urog na makapagpatotoo
Halimbawa sa Bibliya:
Gi 11:19-21—An mga Kristiyano na nagkasuruway-suway huli sa persekusyon padagos na ibinalangibog an maugmang bareta sa dakul na lugar
Flp 1:12, 13—Ugmahon si apostol Pablo na an pagkapreso niya nagin sarong oportunidad lugod para maglakop an maugmang bareta
An satong pakatagal sa persekusyon puwedeng makapakusog sa satong mga kapagtubod
Ano sa parati an nagigin papel kan mga lider nin relihiyon asin mga pulitiko sa pagpersegir sa mga maimbod?
Jer 26:11; Mar 3:6; Ju 11:47, 48, 53; Gi 25:1-3
Halimbawa sa Bibliya:
Gi 19:24-29—Sa Efeso, inisip kan mga paragibo nin mga surusantuwaryo ni Artemis na sarong huma sa negosyo ninda an mensahe kan mga Kristiyano laban sa idolatriya, kaya pinersegir ninda an mga Kristiyano
Ga 1:13, 14—Bago nagin Kristiyano si Pablo (Saulo), maiguton siya sa Judaismo, kaya pinersegir niya an kongregasyon