Repaso sa Teokratikong Paadalan sa Pagmiministro
An minasunod na mga hapot totokaron sa Teokratikong Paadalan sa Pagmiministro durante kan semana poon Hunyo 25, 2012. Iiniba an petsa kun kasuarin tinokar an kada punto tanganing makapagsiyasat kun nag-aandam para sa paadalan kada semana.
1. Ano an sinisierto sa sato kan pagkaligtas ni Jeremias durante kan mga panahon na masakit an pagbuhay? (Jer. 37:21) [Mayo 7, w97 9/15 p. 3 par. 4–p. 4 par. 1]
2. Sa anong mga paagi inaarog nin mga Kristianong may daganon na paglaom an marahay na halimbawa ni Ebed-melec? (Jer. 38:8-13) [Mayo 7, su-E p. 179 par. 9]
3. Huling ginamit ni Jehova an mga guardia ni Nabucodonosor tanganing protehiran si Jeremias asin Baruc, tama daw para sa mga Kristiano na hagadon an proteksion kan armadong mga pulis ngonyan? (Jer. 39:11-14) [Mayo 14, w83-E 7/15 p. 31]
4. Anong ‘kahalangkawan,’ o darakulang bagay, an posibleng hinahanap ni Baruc para sa sadiri nia, asin sa ano kita tinatabangan na magpokus kan reaksion nia sa hatol ni Jehova? (Jer. 45:5) [Mayo 21, w06 8/15 p. 18 par. 1; p. 19 par. 6]
5. Sa pagladawan kan makatanosan na pagpadusa sa Edom, taano ta ipinarisa ni Jehova na laen sia sa ‘mga paraguno nin ubas’ saka ‘mga parahabon’? (Jer. 49:9, 10) [Mayo 28, w77-E p. 442 par. 7–p. 443 par. 1]
6. Anong seryosong leksion an manonodan niato sa nangyari ki Hadeng Zedequias pagkatapos niang ‘magmasumbikal sa hade kan Babilonia’? (Jer. 52:3, 7-11) [Hun. 4, w88 10/1 p. 15 par. 8 (w88-E 9/15 p. 17 par. 8); w81-E 4/1 p. 13 par. 3-4; p. 14 par. 6]
7. Ano an ‘tungtongan’ asin “payag-payag” (NW) ni Jehova? (Lam. 2:1, 6) [Hun. 11, w07 6/1 p. 9 par. 1]
8. Ano an boot sabihon ni Jeremias kan sabihon nia na si Jehova ‘gigirumdomon sia asin mapakumbaba’ o maduko sa ibabaw nia, saka taano ta mahalagang marhay ini sa sato? (Lam. 3:20) [Hun. 18, w07 6/1 p. 11 par. 2]
9. Taano ta kapakipakinabang na manodan nin saro na magdara nin sakal durante nin pagkahoben? (Lam. 3:27) [Hun. 18, w07 6/1 p. 11 par. 4 (w07-E 6/1 p. 11 par. 5); w87-E 2/15 p. 24 par. 1]
10. Paano an halimbawa ni Ezequiel makakatabang sa sato na magtaram na may kapusoan sa ibong kan pagkaindiperente nin iba? (Ezeq. 3:8, 9) [Hun. 25, w08 7/15 p. 8-9 par. 6-7]