Repaso sa Teokratikong Paadalan sa Pagmiministro
An minasunod na mga hapot tutukaron sa Teokratikong Paadalan sa Pagmiministro sa semana nin Abril 27, 2015. Iiniba an petsa kun kasuarin tinukar an kada punto tanganing makapagsiyasat kun nag-aandam para sa paadalan kada semana.
Ano an maimbod na pagkamuot, asin sa anong mga aspekto nin buhay nangurugnang kaipuhan iyan? (Rut 1:16, 17) [Mar. 2, w12 7/1 p. 26 par. 6]
Paano si Rut nagkaigwa nin reputasyon bilang sarong ekselenteng babayi? (Rut 3:11) [Mar. 2, w12 10/1 p. 23 par. 1]
Pag napapaatubang kita sa mga problema, paano kita makikinabang sa halimbawa ni Anna? (1 Sam. 1:16-18) [Mar. 9, w07 3/15 p. 16 par. 4-5]
Kan an aking si Samuel ‘nagtatalubo sa atubangan ni Jehova,’ ano an nakaprotektar sa saiya sa maraot na halimbawa kan mga aki ni Eli? (1 Sam. 2:21) [Mar. 9, w10 10/1 p. 16 par. 2-3]
Sa anong paagi kita makikinabang sa halimbawa ni Saul kan dai siya guminawi nin pabigla-bigla kan dai akuon kan daing kamanungdanan na ‘mga aki ni Belial’ an pagigin hadi niya? (1 Sam. 10:22, 27) [Mar. 23, w05 3/15 p. 23 par. 1]
Anong mahalagang leksiyon an manunudan ta sa nagin salang pagmansay ni Saul na an atang puwedeng iribay sa pagkuyog ki Jehova? (1 Sam. 15:22, 23) [Mar. 30, w07 6/15 p. 26 par. 3-4]
Taano ta nakakapakusog sa buot na maaraman na si Jehova “naghihiling sa puso” nin sarong tawo? (1 Sam. 16:7) [Abr. 6, w10-E 3/1 p. 23 par. 7]
Uyon sa Talinhaga 1:4, ano an igwa kita na inaasahan ni Jehova na gagamiton ta pag napapaatubang sa masakit na mga sitwasyon? (1 Sam. 21:12, 13) [Abr. 13, w05 3/15 p. 24 par. 4]
Taano ta masasabing dai nagrebelde si Abigail sa pagkapayo kan saiyang agom kan tawan niya nin mga regalo si David asin an mga tawuhan kaini? (1 Sam. 25:10, 11, 18, 19) [Abr. 20, w09 7/1 p. 20 par. 3]
Naghagad si Abigail nin dispensa sa sarong bagay na dai niya man ginibo. Paano kita makikinabang sa halimbawa niya? (1 Sam. 25:24) [Abr. 20, w02 11/1 p. 5 par. 1,4]