Iandam an Saimong Puso

Pag nag-aadal kita nin Bibliya, gusto niyato na an kaisipan ni Jehova magkaigwa nin epekto sa satong puso, o sa satong panglaog na pagkatawo. Nagpahiling si Esdras nin marahayon na halimbawa sa bagay na ini kan “inandam [niya] an saiyang puso para konsultahon an Katugunan ni Jehova.” (Esd. 7:10) Paano ta iaandam an satong puso?

Mamibi. Mamibi bago mag-adal. Hagadon ki Jehova na tabangan kang masabutan asin maiaplikar an mga nanunudan mo.—Sal. 119:18, 34.

Magin mapakumbaba. Itinatago nin Diyos an katotoohan sa mga may kapalangkawan na nagsasarig sa sadiri nindang kadunungan. (Luc. 10:21) Likayan na mag-research sa katuyuhan na pahangaon an iba. Mapakumbabang baguhon an saimong kaisipan pag bako iyan kauyon kan kaisipan nin Diyos.

Magdangog sa sarong kantang pang-Kahadian. An musika kayang taruson an satong puso, na inaandam kita para sa pagsamba. An pagdangog sa kantang pang-Kahadian sa kapinunan kan saimong pag-adal makakatabang sa saimo na maiandam an saimong puso.