Iladawan sa Isip an mga Salaysay sa Bibliya

Igwa sa Bibliya nin dakul na salaysay nin totoong mga pangyayari na nagtutukdo nin mahalagang mga leksiyon. Kun ilaladawan ta sa satong isip an mga salaysay na ini, mas masasabutan ta an mga binabasa ta asin mas makikinabang kita sa mga iyan. Uni an nagkapirang tips na makakatabang sa saimo na mailadawan sa isip an mga salaysay sa Bibliya.

• Magbasa nin makusog. Kun babasahon mo nin makusog an Bibliya, makakatabang iyan na mas malinaw mong maimahinar an mga eksena. Para magin buhay na buhay an istorya pag nagbabasa nin Bibliya bilang pamilya, asignaran an kada miyembro nin tigsararong karakter na babasahon ninda.

• Imahinaron an mga eksena. Hinguwahon na aramon an mga iniisip asin an mga namamatian kan mga karakter sa istorya. Halimbawa, haputon an sadiri: ‘Taano ta sinabi o ginibo niya iyan? Kun ako an nasa sitwasyon niya, ano dawa kaya an iisipon o mamamatian ko?’

• Magdrowing. An pagdrowing kan mga eksena sa mga salaysay kan Bibliya makakatabang sa saimo na mailadawan sa isip asin mas matandaan an mga istorya, dawa kun bako man magayunon an pagkadrowing kaiyan.