148 Lumbanyeni Jah!+
Lumbanyeni Yehova mwe ba mu muulu,+
Mulumbanyeni mu muulu.+
2 Mulumbanyeni, mwe bamalaika bakwe bonse.+
Mulumbanyeni, mwe bumba lyakwe lyonse.+
3 Mulumbanyeni, mwe kasuba no mweshi.+
Mulumbanyeni, mwe ntanda shonse isha lubuuto.+
4 Mulumbanyeni, mwe myulu ya myulu,+
Na mwe menshi ayali pa muulu wa myulu.+
5 Lekeni filumbanye ishina lya kuti Yehova;+
Pantu ena alisosele, na fyo fyalilengelwe.+
6 Kabili afilenga ukubelelela pe, kabili umuyayaya.+
Alifipeela ifunde, kabili talyakapite.+
7 Lumbanyeni Yehova mwe ba pe sonde,+
Mwe bashimweshimwe ba muli bemba na mwe menshi yonse ayashika,+
8 Mwe mulilo ne mfula ya mabwe, imfula ya bungululu bwabuuta ne cushi cafiita,+
Na we mwela wa nkuuka, uucita ico asosa,+
9 Mwe mpili no tupili tonse,+
Mwe miti ya fisabo na mwe mikedari yonse,+
10 Mwe nama mpanga na mwe fitekwa fyonse,+
Mwe fikulika na mwe fya mapindo,+
11 Mwe shamfumu sha pano isonde+ na mwe nko shonse,
Mwe bacilolo+ na mwe bapingushi bonse aba pano isonde,+
12 Mwe balumendo+ na mwe bakashana,+
Mwe baume+ abakote pamo na bakalume.+
13 Lekeni filumbanye ishina lya kuti Yehova,+
Pantu ishina lyakwe lyeka lyalisansukisha.+
Ubukata bwakwe bwacila isonde no muulu.+
14 Kabili akasansabalika ulusengo lwa bantu bakwe,+
Akasansabalika ukulumbanya kwa ba cishinka bakwe,+
Abana ba kwa Israele, abantu abamupalama.+
Lumbanyeni Jah!+