2 Cinshi ico inko shabela mu cimfulumfulu+
Kabili cinshi ico abantu ba mu nko baletepeleseshanisha amapange ya fye?+
2 Ishamfumu sha pano isonde shaima+
Na bashimucindikwa balongana+
Pa kuti bemine Yehova+ no wasubwa wakwe,+
3 Abati: “Natuputaule ifikakilo fyabo+
Kabili tupoose ne myando yabo!”+
4 Uwaikala mu muulu+ akaseka;
Yehova akabapumya.+
5 Pali ilya nshita akasosa kuli bena mu cipyu cakwe+
Kabili mu bukali bwakwe akabasakamika,+
6 Akatila: “Ine ninsansabika imfumu yandi+
Pa Sione,+ pa lupili lwandi ulwa mushilo.”+
7 Leka nondolole pa lwa cipope ca kwa Yehova;
Atile kuli ine: “Uli mwana wandi;+
Ine, buno bushiku, nimba wiso.+
8 Lomba kuli ine,+ pa kuti nkupeele inko shibe e bupyani bobe+
Ne mpela she sonde shibe shobe.+
9 Ukabafunina ku nkonto ya cela,+
No kubatobaula nge nongo ya kwa nakabumba.”+
10 E ico nomba, mwe shamfumu, ilukeni;
Sambilileniko, mwe bapingushi ba pano isonde.+
11 Bombeleni Yehova na katiina+
Kabili angeni no kututuma.+
12 Tomoneni umwana mwaume,+ pa kuti eba no bukali
Na pa kuti mwilobela mu nshila,+
Pantu ubukali bwakwe bulabilima bwangu.+
Balipaalwa bonse abooba muli ena.+