Ulwa kwa Davidi. Ulwimbo.
24 Pano isonde pa kwa Yehova na fyonse ifyabapo,+
Umushili na bonse abaikalapo.+
2 Pantu pali babemba e po alilimba,+
Kabili pa mimana e po alishimpa.+
3 Nani winganina mu lupili lwa kwa Yehova,+
Kabili nani engeminina umwa mushilo mwakwe?+
4 Onse uwa kaele mu minwe yakwe kabili uwasanguluka mu mutima,+
Uushimona ngo wa fye,+
Nangu ukulapa ubufi.+
5 Akapokelela ipaalo kuli Yehova+
No kupokelela ubulungami kuli Lesa we pusukilo lyakwe.+
6 Iyi e nkulo ya bamufwaya,
Iya bafwaya icinso cenu, mwe Lesa wa kwa Yakobo.+ Seʹlah.
7 “Sumbuleni imitwe yenu, mwe mpongolo,+
Kabili sumbukeni, mwe miinshi ya muyayaya,+
Pa kuti Imfumu ya bukata ingile!”+
8 “Nga kanshi iyi Mfumu ya bukata nani?”+
“Ni Yehova uwakosa kabili uwa maka,+
Yehova uwa maka mu bulwi.”+
9 “Sumbuleni imitwe yenu, mwe mpongolo;+
Sumbuleni imitwe yenu, mwe miinshi ya muyayaya,
Pa kuti Imfumu ya bukata ingile!”+
10 “Nga kanshi iyi Mfumu ya bukata nani?”
“Yehova wa mabumba—e Mfumu ya bukata.”+ Seʹlah.