Amalumbo

31 Muli imwe, mwe Yehova, e mo nauba.+

Shi nilengwa insoni.+

Mu bulungami bwenu mpususheni.+

 2 Teyamikeni ukutwi kwenu kuli ine.+

Mpokololeni bwangu.+

Beni icilibwe candi ica kuncingilila,+

Icubo candi icakosa.+

 3 Pantu muli cilibwe candi kabili uwa kuncingilila;+

Na pa mulandu we shina+ lyenu mukantungulula no kunshindika.+

 4 Mukamfumya mwi sumbu ilyo banteya,+

Pantu ni mwe ca kushinamo candi.+

 5 Mu minwe yenu e mo natuula umupashi wandi.+

Mwandubula,+ mwe Yehova Lesa wa cishinka.+

 6 Napata abacindika utulubi twa fye;+

Lelo ine, natetekela Yehova.+

 7 Nkaanga no kusekelela mu cikuuku cenu,+

Pantu namumona ukucula kwandi;+

Namwishiba amacushi ya mweo wandi,+

 8 Kabili tamumpeele mu minwe ya mulwani.+

Mwalenga amakasa yandi ukwiminina apapabuka.+

 9 Mbeleleni uluse, mwe Yehova, pantu ndi mu bwafya ubukalamba.+

Yanaka amenso yandi ku bulanda,+ no mutima wandi no mubili wandi.+

10 Pa mulandu wa bulanda, ubumi bwandi bwapwa,+

Ne myaka yandi yapwa pa mulandu wa kuteta.+

Amaka yandi yacepa pa mulandu wa membu shandi,+

Na mafupa yandi yanaka.+

11 Abalwani bandi+ bonse balansaalula,+

Maka maka abena mupalamano bandi,+

Kabili abanjishiba balantiina.+

Ilyo bamona ndi pa nse, balambutuka.+

12 Ndi ngo muntu uwafwa kabili tabantontonkanyanapo, balindaba;+

Ndi kwati ni nongo iyatobeka;+

13 Pantu ning’umfwa ilyashi ilibi ku bengi,+

Ndetiina no kwenda.+

Ilyo banonganina,+

Bapanga ukunjipaya.+

14 Lelo ine—muli imwe e mo natetekela, mwe Yehova.+

Nsosa ati: “Ni mwe Lesa wandi.”+

15 Inshiku shandi shili mu minwe yenu.+

Mpokololeni mu minwe ya balwani bandi kabili ku bambutusha.+

16 Lengeni icinso cenu ukubalikila umubomfi wenu.+

Mpusushisheni ku cikuuku cenu.+

17 Mwe Yehova, mwileka nengwe insoni, pantu nalilila kuli imwe.+

Lekeni ababifi bomfwe nsoni;+

Lekeni babe tondolo mu Nshiishi.+

18 Lekeni ibulwe amashiwi imilomo ya bufi,+

Iisosa ifyabipa ku walungama,+ iisosa icisosesose mu matutumuko na mu misuula.+

19 Ubusuma bwenu,+ ubo mwasungila abamutiina, bwingi icine cine!+

Ubo mupeela ku booba muli imwe,

Ku cinso ca bana ba bantu.+

20 Mukabafisa mu cifulo cabelama icili apepi na imwe+

Ukubafumya ku kupanga kwa bantu.+

Mukabafisa mu nsakwe yenu ukubafumya ku kuumana kwa ndimi.+

21 Abe uwacindikwa Yehova,+

Pantu aaba ne cikuuku ca kupapa+ kuli ine mu musumba uuli mu bwafya.+

22 Lelo ine, mu kufulumbana kwandi natile:+

“Ndi no kuloba ku mulola wa menso yenu.”+

Na cine mwalyumfwile ishiwi lya kupapaata kwandi ilyo nakuutile kuli imwe.+

23 Temweni Yehova, mwe ba cishinka bakwe bonse.+

Aba cishinka Yehova alabalinda,+

Lelo uwa matutumuko ena alamulundilapo ifingi.+

24 Koseni, kabili lekeni imitima yenu ishipe,+

Imwe bonse mwe balolela Yehova.+