Amalumbo

5 Kutikeni ku mashiwi yandi,+ mwe Yehova;

Nangulukileni pa kuteta kwandi.

 2 Umfweni ukukuuta kwandi,+

Mwe Mfumu+ yandi kabili Lesa wandi, pantu kuli imwe e ko ndepepa.+

 3 Mwe Yehova, ulucelo mukakutika kwi shiwi lyandi;+

Ulucelo nkasosa kuli imwe no kulolela.+

 4 Pantu ni mwe Lesa uushisekelela mu fyabipa;+

Uwabipa onse te kuti ekale na imwe nangu panono.+

 5 Aba mataki te kuti beminine ku cinso cenu.+

Mwapata bonse abacita ifyabipa;+

 6 Mukonaula ababepa ubufi.+

Umuntu uusumya umulopa+ kabili incenjeshi+ alaselausha Yehova.

 7 Lelo ine, pa mulandu wa kufula kwa cikuuku cenu+

Nkengila mu ng’anda yenu,+

Nkafukamina kwi tempele lyenu ilya mushilo no kuba na katiina kuli imwe.+

 8 Mwe Yehova, ntungululeni mu bulungami+ bwenu pa mulandu wa balwani bandi;+

Lengeni inshila yenu iwame pa ntanshi yandi.+

 9 Pantu mu tunwa twabo tamwaba nangu cimo icingacetekelwa;+

Mu kati kabo mwaisula fye ububi.+

Utunwa twabo ni nindi iyacenama;+

Ululimi lwabo lwa bucenjeshi.+

10 Lesa akabapeela umulandu;+

Bakawa pa mulandu wa mano ayo baipanda abene.+

Mu kufula kwa bumpulamafunde bwabo lekeni bapaswe,+

Pantu balimupondokela.+

11 Lelo bonse abooba muli imwe bakasekelela;+

Bakaula utupundu umuyayaya.+

Kabili mukabacingilila ica kuti takwakabe uwa kubapalama,

Na batemwa ishina lyenu bakaangila muli imwe.+

12 Pantu mukapaala bonse abalungama,+ mwe Yehova;

Nge nkwela+ iikalamba, e fyo mukacingilila+ abo musekelelamo.