Ku ng’omba nkalamba. Maskili. Ulwa kwa Davidi, ilyo Doege umwina Edomu aebele Shauli ati Davidi aile ku ng’anda ya kwa Ahimeleke.+
52 Cinshi uitakishisha pa cabipa, we mpalume?+
Icikuuku ca kwa Lesa cabako akasuba konse.+
2 Ululimi lobe lwelenganya ububi, lwatwa nga kanesala,+
Lubomba mu bucenjeshi.+
3 Walitemwa icabipa ukucila icisuma,+
Walitemwa ubufi ukucila ukusosa ubulungami.+ Seʹlah.
4 Walitemwa amashiwi yonse aya boni,+
We lulimi lwa bucenjeshi we.+
5 Kabili Lesa akakonaula umuyayaya;+
Akakuwisha no kukulepaula mwi tenti lyobe,+
Kabili akakunukula mu calo ca ba mweo.+ Seʹlah.
6 Awe abalungami bakamonako kabili bakaba no mwenso,+
Kabili bakamuseka.+
7 Moneni umuntu uushicita Lesa nge ca kushinamo cakwe,+
Lelo uutetekela mu kufula kwa cuma cakwe,+
Uuba mu macushi ya bambi ayo alenga.+
8 Lelo ine nkaba ngo muolife+ uwalelema mu ng’anda ya kwa Lesa;
Natetekela mu cikuuku ca kwa Lesa umuyayaya umuyayaya.+
9 Nkamulumbanya umuyayaya, pantu mwacitapo cimo;+
Kabili nkasuubila mwi shina lyenu, pantu lisuma, ku cinso ca ba cishinka benu.+