21 Pa bantu bonse aba, usalepo abaume abafikapo,+ abatiina Lesa,+ abaume bacetekelwa,+ abapata ubunonshi bwa mu bufumfuntungu;+ kabili ukabasonte ukuba bacilolo ba kwangalila abantu amakana,+ bambi babe bacilolo ba kwangalila abantu imyanda, bambi na bo babe bacilolo ba kwangalila abantu amakumi yasano e lyo na bacilolo ba kwangalila abantu amakumi.+

16 Aba e baitilwe mu lukuta, intungulushi+ sha mikowa ya bashibo. E bakalamba ba makana ya kwa Israele.”+

2 E lyo intungulushi sha kwa Israele,+ abakalamba ba mu mayanda ya bashibo, baletele imituulo,+ pantu bali intungulushi sha mikowa kabili e baleangalila abalembelwe,

15 Na ine nabuulile intungulushi sha mu mikowa yenu, abaume ba mano kabili abaishibisha imilimo, no kubasonta ukuba intungulushi pali imwe, bacilolo ba pa bantu amakana na bacilolo ba pa bantu imyanda na bacilolo ba pa bantu amakumi yasano na bacilolo ba pa bantu amakumi kabili intungulushi sha mu mikowa yenu.+

23 “Kabili ilyo fye mwaumfwile ishiwi ukufuma mu kati ka mfifi, ilyo ulupili lwalepya umulilo,+ mwapaleme kuli ine, intungulushi shonse isha mikowa yenu na bakalamba benu.

9 Kabili Mose alembele ili funde+ no kulipeela kuli bashimapepo abana baume ba kwa Lebi,+ abasenda icipao ca cipangano ica kwa Yehova,+ na ku bakalamba bonse aba kwa Israele.