19 “Ifisabo ifisuma ifyabalilapo ukupya ifya mu mushili uleleta ku ng’anda ya kwa Yehova Lesa obe.+

“Wilaipika akana ka mbushi mu mukaka wa kwa nyina.+

28 “‘Conse ico umuntu apeela kuli Yehova ukuti cilebomfiwa mu mulimo wa mushilo,+ nampo nga muntu nangu ni nama nangu libala lyakwe, te kuti bacishitishe kabili te kuti bacilubule.+ Ca mushilo nga nshi kuli Yehova.

30 “‘Kabili ica pe kumi+ pali fyonse ifya mwi bala, e kuti imbuto sha mwi bala ne fisabo fya ku miti, ca kwa Yehova. Ca mushilo kuli Yehova.

11 Kabili ifi na fyo fikaba fyobe: umusangulo+ wabo uwa bupe pamo ne mituulo+ yonse iya kusunsha iya bana ba kwa Israele. Napeela iwe na bana bobe abaume na bana bobe abanakashi abali nobe,+ e fyakulaba fyenu umuyayaya. Onse uwasanguluka mu ng’anda yobe kuti alyako.+

26 “Kabili usose ku bena Lebi, ubebe ati, ‘Mukapokelela ica pe kumi ico napeela kuli imwe ukufuma ku bana ba kwa Israele ku kuba icenu,+ na imwe mukalesangula ica pe kumi+ ukufuma pali ico ukuti cikabe umusangulo kuli Yehova.