Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

Ukufuma 34:15

Baibolo Amalembo ya Calo Cipya
- 15 epali wacita icipangano na bekashi ba mu calo, pantu bena bakacita bucilende na balesa babo+ no kwipaila balesa babo amalambo,+ na umo akakwita, na iwe ukalyapo ilambo lyakwe.+

Abapingushi 2:17

Baibolo Amalembo ya Calo Cipya
- 17 Awe tabaumfwile na ku bapingushi babo bene, lelo bacitile bucilende+ na balesa+ bambi kabili balebakontamina. Bapaaswike bwangu bwangu ukufuma mu nshila ifikolwe fyabo fyaendelemo iya kumfwila amafunde ya kwa Yehova.+ Bena tabacitile fyo iyo.

Amalumbo 106:37

Baibolo Amalembo ya Calo Cipya
- 37 Kabili baletuula abana babo abaume+
  Na bana babo abanakashi ku kuba amalambo ku fibanda.+

Amalumbo 106:39

Baibolo Amalembo ya Calo Cipya
- 39 E fyo imicitile yabo yabalengele ukukowela+
  Kabili baalecita bucilende.+

Yeremia 3:1

Baibolo Amalembo ya Calo Cipya
- 3 Kwaba insoselo iitila: “Nga ca kutila umwaume atamfya umukashi wakwe, na o afuma kuli ena no kuyaupwa ku mwaume umbi, bushe umwaume kuti abwelela kuli uyo mwanakashi na kabili?”+
  
  Bushe cilya calo ninshi tacakowela?+
  
  “Kabili iwe walicita bucilende ku fibusa ifingi;+ nomba bushe kuti wabwelela kuli ine?”+ e fyo Yehova asosa.

Esekiele 16:15

Baibolo Amalembo ya Calo Cipya
- 15 “‘Lelo watampile ukutetekela ukuyemba kobe+ no kuba cilende pa mulandu wa lulumbi lobe+ no kucita bucilende no mupitanshila onse; ukuyemba kobe kwaishileba kwa mupitanshila.+