26 Kabili mwikengisha ica bunani mu ng’anda yenu epali mwaonaulwa nge co cine. Mukacimone ukuti ca bunani kabili cikamuselaushe,+ pantu cintu icifwile ukonaulwa.+

14 kabili abantu bandi+ abainikwa ishina+ lyandi baicefya+ no kupepa+ no kulomba+ ukuti mbabelele uluse kabili bafuma na ku nshila shabo ishibi,+ ine nkomfwa mu muulu+ no kwelela ulubembu+ lwabo, kabili nkaposha icalo cabo.+

8 Ilyo Asa aumfwile aya mashiwi no kusesema kwa kwa Odedi+ kasesema, alishipile no kulenga ifya bunani+ ukupwa mu calo conse ica Yuda na Benjamini na mu misumba iyo apokele mu calo ca mpili ica bena Efraimu,+ kabili akuulile cipya cipya icipailo ca kwa Yehova icali ku ntanshi ya muputule wa kwingililapo uwa kwa Yehova.+

15 Kabili afumishe balesa bambi bambi+ ne cilubi+ mu ng’anda ya kwa Yehova ne fiipailo+ fyonse ifyo akuulile mu lupili lwa ng’anda ya kwa Yehova na mu Yerusalemu no kufipoosa ku nse ya musumba.