Ulwimbo. Ulwimbo lwa kulumbanya ulwa kwa Davidi.
108 Umutima wandi uli uwa cishinka, mwe Lesa.+
Nkamwimbila kabili nkamulumbanishisha pa cilimba,+
Pamo no bukata bwandi.+
2 Buuka, we cilimba ca nsale; na iwe we nsango.+
Nkabuusha amacaca.+
3 Nkamulumbanya mu bantu na bantu, mwe Yehova;+
Kabili nkamulumbanishisha pa cilimba mu nko.+
4 Pantu icikuuku cenu cikalamba cafika na mu muulu,+
Ne cishinka cenu cafika na mu makumbi.+
5 Mwe Lesa, sansabikweni ukucila pa myulu;+
Lekeni no bukata bwenu bube pa muulu we sonde lyonse.+
6 Pa kuti abatemwikwa benu bapokololwe,+
Pususheni ku kuboko kwenu ukwa ku kulyo no kunjasuka.+
7 Lesa nasosa muli bumushilo bwakwe ati:+
“Nkaanga, kabili Shekemu+ e o nkakupeela;+
Kabili nkapima ilungu lya Sukote.+
8 Gileadi+ wandi; Manase+ na o wandi;
Na Efraimu mwa kuuba intungulushi yandi;+ Yuda ni nkonto yandi nga ilya iikwata umukalamba wa bashilika.+
9 Moabu+ musambilo wandi.+
Pali Edomu+ e po nkapoosa indyato yandi.+
Pali Pelishiti+ e po nkawelesha ukuwelesha kwa kucimfya.”+
10 Nani akantwala ku musumba uwacingililwa?+
Nani akantungulula ukufika ku Edomu?+
11 Bushe te imwe, mwe Lesa, mwe batulekelesha,+
Mwe Lesa uushifumina pamo na bashilika besu?+
12 Twafweni mu kucula kwesu,+
Pantu kwa fye ukupususha kwa muntunse.+
13 Muli Lesa e mo tukabela na maka,+
Na o akanyantaula abalwani besu.+